#НартайАралбайұлы #NartayNews #НартайНьюс #nartaynews #Еңбекадамы
🔹Спикер: ҚАЙРАТ ХАЛЫҚОВ - орманшы.
«Бір тал ағаштан мың тал шыршы шығады, сол бір тал шырпы мың тал ағашты өртеп жіберуге қауқарлы». Солай болып та жатыр. Былтыр елімізде 810 орман өрті тіркелген. Олардың жалпы ауданы 116,8 мың гектар болды. Жалпы, мемлекеттік орман қорының ауданы 30,9 млн гектар, оның ішінде 13,7 млн гектар орманмен көмкерілген. Ел аумағының ормандылығы - 5-ақ пайыз. Абай облысы орман қорының аумағында екі ірі апат болғанын білесіздер. Өкінішке қарай адам шығыны бар. 14 орманшы қаза тапты. Тағы бір ірі оқиға Қостанай облысында болды. Бұл өңірден барлығы 2091 адам эвакуацияланып, 12 адам жеңіл және орташа ауырлықтағы жарақаттар, күйік шалып, уланған. 1935 жылы туған қария қаза тапты. 107,2 мың гектар жер өртенді. Сонымен қатар екі елді мекенді шарпыған от салдарынан 91 тұрғын үй жанып кетті. Айта берсек, орман өртіне қатысты ірілі-ұсақты апаттар аз емес. Бірақ, сол орманды тілсіз жаудан да, адамдардан да қызғыштай қорғап, күн-түн күзетін жүретін мамандық иелері бар. Бүгін біз сол орманшылар жайлы баяндамақпыз. Бүгінгі кейіпкеріміз - орман шаруашылығының басшысы - Қайрат Халықов.
Еліміздегі ормандардағы соңғы ірі апаттардан кейін билік пен бұқара да орманшы деген мамандыққа және осы салаға мән берді. Жасыратыны жоқ, бұл шындық. Оған дейін сол қалың ағаштың арасында бұйығып жатқан қызмет түрі еді. Негізі орманшының атқаратын жұмысы көп әрі күрделі. Ол әуелі табиғатты қорғайды. Ормандағы жан-жануарларды қорғап ғана қоймай, қыста солардың жем-шөбін де реттестіреді, өзен-көлдердегі балықтардың да қырылып қалмауын қадағалайды. Жаз басталса демалысқа келген адамдарды күзетумен болады. Өйткені, өкінішке қарай, бізде әлі күнге дейін жауапкершілікпен табиғат аясында демалу мәдениеті қалыспаған. Жұмысы көп, жауапкершілігі одан ауыр орманшылар осындай.
Қостанай облысындағы Аманқарағайда аман қарағай қалмаған кез де болды. Ағаштың бәрі өртеніп, құламағандары жалаңаштанып, орманды күйік кезді. Бірақ, қарағайдың басын өрт шалғанымен шортан шалған жоқ. Ғалымдардың айтуынша, күл басқан жерді гүл жарып шығады әлі. Оған шамамен жарты ғасыр уақыт керек. Бір ғана өрттің салдарын бағамдаған боларсыз. Сондықтан, орманшыларға және қоршаған ортаға жауапкершілікпен қарап үйренсек игі. Табиғат жалғыз. Оны аялау да, аямау да адамзаттың қолындағы аманат.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: instagram.com/nartay_aralbayu...
Фейсбук: / nartai.sarsengaliyev
Негізгі бет Орманшының жанайқайы: төмен жалақы, ескі техника, өлім мен өмірдің арасындағы жұмыс |ЕҢБЕК АДАМЫ #38
Пікірлер: 42