Әні;Талап Жұман
Сөзі;Асхат Қылышбеков
ОТАРЫМ
Асудың етегінде,
Өмірдің жетегінде,
Ауыл бар Отар деген,
Киелі мекенімде!
Сондағы бауырларым,
Ыстықсың бәрің-бәрің!
Бағаңа жетемін бе?
Ооооу!
Ел үшін алаң болған,
Ұлдары қамал қорған,
Айнымас адал жолдан!
Қызында қылық болған,
Қазақы ғұрып қонған,
Иманы тұнық болған!
Біз осы Отарданбыз!
Батыр ел атанғанбыз!
Әскерді қастер тұттық,
Болған соң отан жалғыз!
Намысын таптатпайтын,
Қазақпыз, қаһарманбыз!
2.
Жібек жол кесіп өткен,
Әр елдің көші жеткен.
Кебекбай шешен бабам,
Сан дауды шешіп өткен!
Кененнің әні қалған,
Еңбекпен бағы жанған,
Тектілер бесік еткен!
Оооу!
Отарым- гүл көктеген,
Бір-бірін құрметтеген,
Бірлігін үлгі еткен ел!
Ооооу..
Жетімін жебей білген,
Мұқтажды демей білген,
Мейрімге бөлей жүрген.
Негізгі бет ОТАРЫМ-ТАЛАП ЖУМАН
Пікірлер: 9