Отбасы институты бірнеше факультеттерден тұрады: бала тәрбиесі, қайынжұртпен байланыс, туыстық қатынас секілді. Әр салада жақсы нәтижеге жету үшін бірнеше құралды білген жөн.
Алғашқы құрал - әдейі байқамай қалу "тағафуль" - деп аталады. Мысалы кешке жұмыстан шаршап келгенде, әйеліміз кешкі астың тұзын кішкене көптеу салып жіберген болса, біз екі түрлі реакция арасында таңдау жасаймыз: 1- ашулану, жұмыстан шаршап келгенде бір тамақты дайындамадын дегендей. 2- өтірік байқамай қалу, үндеместен тамақты тауысу. Нәтижесінде үлкен жанжалдың алдын алған боламыз, қандай жағдайдың басында сабыр еткен болсақ кейін ол жібіп, байқалмай қалады. Егер бірден бәрін байқап, әрқайсысына көңіл бөле берген болсақ, тарыдай мәселені таудай етіп аламыз. Нәтижесінде өмірдің берекетін қашырып, жүйкені тоздырады.
Бұл - өмірдің барша саласында да қолданылуы қажет құралдың бірі. Алла баршамызға құралдарды жақсы қолдануды және жан тыныштығын нәсіп еткей.
#отбасыдағыпроблемаларшешімі #ілімдариясы #РауанЖұмабайұлы
Негізгі бет Отбасыңызды басқаруда таптырмас құрал. | Рауан Жұмабайұлы
Пікірлер: 73