Kriti by Sri Mannemkonda Hanumatdasu set to Saveri raagam
సావేరీ రాగంలో శ్రీ మన్నెంకొండ హనుమద్దాసు రచన
సాహిత్య శేఖరణ - శ్రీమతీ ఉషా గరికిపాటి గారు
పాహి నారాయణా పాహి నారాయణా
పాహి భద్రాద్రి వైదేహి నారాయణా
ll పాహి ll
శ్రీమద్రమారమణ కామితార్థప్రద
శ్యామాభిరామ జయరామ నారాయణా
ll శ్రీ ll
వేదాంతవేద్య నీ పాదములు నా మదిని
పాదుగా నిల్పుమో వేదనారాయణా
ll వే ll పాహి ll
గంగాధరార్చిత శుభాంగ సన్మౌని
హృద్గంగాతరంగ భవభంగ నారాయణా
ll గంగా ll
నమ్మినానయ్య గైకొమ్ము నా మనవి
యిటురమ్ము నను కరుణించుకొమ్ము నారాయణా ll నమ్మి ll పాహి ll
ఏరి నీ తోటి సరిలేరు యిల దైవముల
చేరలేరూ పరంధామ నారాయణా ll ఏరి ll
సీతాసమేత నన్నేతీరు గాచెదవు
పాతకుడనయ్య ప్రఖ్యాత నారాయణా
ll సీతా ll పాహి ll
అఖిలాండకోటి బ్రహ్మాండనాయక దేవ
నిఖిల ఋషిగణ మనో నిలయ నారాయణా ll అఖిలాండ ll
లలిత మన్నెముకొండ నిలయ హనుమద్దాస
విలసితాత్మానంద ఫలిత నారాయణా
ll లలిత ll పాహి ll
Негізгі бет పాహి నారాయణ Pahi Narayana (AIR Bhakti Ranjani) హనుమద్దాసు రచన
No video
Пікірлер: 6