About this video = රන්මැලි මහ සෑරදුන් අභියසින් සපුමල්ගස්කඩ රජමහා විහාරයට පැමිණි මහා අධිෂ්ඨාන පාද චාරිකාව
පෙරදින රාත්රියෙන් මෛත්රියේ පාදයාත්රාව අවසන් වුණා. දානයකටවත් විසි තිස් නමක් සොයා ගැනීමට දුෂ්කර කාලයක කුඩා සිහිකැඳවීමකින් එක් රැස් වූ සියයකට ආසන්න වූ පූජනීය මහාසංඝරත්නයට පුණ්යානුමෝදනාකර සිටිමි.
අනිකාගේ සතුට වෙනුවෙන් සිනහවකදු වැය නොකරන ලෝකෙක ඉදිමුණ පා ඇතිව ගල්පතුරු වලට සිදුරු වූ ලේ ගලන පා ඇතිව සැදැහැතියන්ගේ කුසලයට ඉඩහසර සලසමින් මහමග වැඩම කළ ඔබ වහන්සේලා සංඝයා ආහුණෙයිය පාහුණෙයිය වන්නේ මන්දැයි ලෝකයටම පසක් කළහ.
වැළඳූ දන් පිඬුවලට වඩා මේ ගමන වඩින්නට ශක්තිය සැපයූයේ අව්යාජ සැදැහැසිතින් වන්දනා කළ පින්වතුන්ගේ සැදැහය බව කිවයුතුමය. ශක්තිමත් පිරිමින් සතුටු කඳුළු වගුරවමින් වැඳ වැටෙන විට ඇඳ සිටි කමිස ගලවා පාවඩ ලෙස මහපාරේ එලන විට ඒ සැදැහැ සිත් දැක අවු රශ්මිය පරයා සියොලඟම සිසිල් වී හිරිඟඩු පිපෙන ගතින් අත්නොහළ සිහියෙන් සතිපට්ඨානයේ හා මෙත් සිතෙන් වැඩම කළ සියලු පූජනීය මහාසංඝරත්නය සාධු සාධු වන්දනා කරමි. ඔබ වහන්සේලා ආහුණෙයියයි පාහුණෙයියයි ලෝකයටම අනුත්තර පින් කෙතයි.
මේ ගමන වැඩමවන විට පහසුවෙන් අපට වැඩමවන්නට අනුරාධපුර සිට කාෂ්ඨක උතුරුකරය දක්වා පාවඩ අතුළ පැන් පවසක් දැනෙන්නට නොදී උපස්ථාන කළ, දවසේම ඇවිද්දත් හැමදාම මැදියම වන තෙක් සංඝෝපස්ථාන කළ සුඛොපුඤ්ඤස්ස වුච්චයො සංවිධානයේ පින්වත් තරුණ දරුවන් හැමදෙනාටමත් පින්වත් තිස්ස මහත්මා ප්රධාන නම් නොදත් සම්බන්ධ වූ සියලු දෙනාටමත් පාවඩ සැපයූ එලූ සියලු දෙනාටත් පුණ්යානුමෝදනා කරමි. ඔබ සියලු දෙනාගේ අප්රතිහත ධෛර්ය සහ වීර්යත් සැදැහැ සිතත් මහාසංඝරත්නයට සැලසූ සහය වචනයෙන් කියන්නට බැරි තරම්.
මග දෙපස එක්වෙමින් පසු ගමන් කරමින් කොහොඹ, පාවට්ටා , නික දල්ලෙන් පාවඩ සදමින් පැන් ඉසිමින් පැන් ගිලන්පස පුදමින් පසුගමන් කරමින් පාවඩ අතුළ සියල්ලන්ටමත් පුණ්යානුමෝදනා කරමි. සැදැහැසිතින් වන්දනා කළ හැඬූ සතුටු කඳුළින් සංඝයා නෙත්පුරා බලමින් වන්දනා කළ ඇසූ බණ පද සිහිකොට අප දකින්නට පැමිණි, ගිනිගහන අවුවේ රත් වුණ පාරක හා බොරැල්ලක දණ බිම තබාගෙන සංඝයා වන්දනා කළ දුර සිටද පින්තූර බලමින් සාධුකාර නංවමින් අවශ්ය දාන හා බෙහෙත් පවා ලැබෙන්නට සැලැස්වූ ඔබේ වන්දනීය සැදැහැසිත ළඟ මගේ සම්මාසම්බුදුරජාණන් වහන්සේගේ සාසනය චිරාත් කල් සුරක්ෂිත බවට මේ පාදයාත්රාවම සාක්ෂියක් වනු ඇත.
මේ මෛත්රියේ පාගමනට ආශිර්වාද කළ ශක්තියක් වූ වැඩම කළ ස්ථාන වල දන් ගිලන්පස සකස් කළ සියලු ස්වාමින්වහන්සේලාටත් ගිහි පින්වතුටත් පොලිසියේ සහ හමුදාවේ සියලු දෙනාටත් සහ මෙකී නොකී සියලු දෙනාටත් මේ උතුම් කුසලය අමාමහ නිවනින් සැනසෙන්න හේතු උපනිශ්රයම වේවා!
______________________________________________________________________________
SATHI TV youtube channel - / sathitvofficial
Facebook page:-
/ paramaththa. . /... ( පරමත්ථ )
www.facebook.c.... ( ven. mankadawala sudassana thero )
/ kkassapather. . ... ( ven. kothmale kumarakassapa thero
_______________________________________________________________________________
• විභජ්ජවාද ශාසන සමීක්ෂා (සංගීති සූත්රය) දේශනා මාලාව /buddhist tv/ - • Playlist
• විභජ්ජවාද දේශනා මාලාව /buddhist tv/ - • විභජ්ජවාද Wibhajjawada
• සමාජ සංගායනා /hiru tv/ - • Hiru TV සමාජ සංගායනා|V...
• හිරු පෝය දේශනා /hiru poya deshana/ (හිරු සීල පාරමිතාව) • හිරු පෝය දේශනා hiru p...
________________________________________________________________________________
________________________________________________________________________________
#padacharikawa #LabunoruwakandaAranyaSenasanaya #paramaththa
Негізгі бет රන්මැලි මහ සෑරදුන් අභියසින් සපුමල්ගස්කඩ රජමහා විහාරයට පැමිණි මහා අධිෂ්ඨාන පාද යාත්රාව_Pada Yathrawa
Пікірлер: 59