PRAYER FOR DEPARTED PARENTS
Ama, Ikaw ang nag-utos na igalang at mahalin ang aming mga magulang. Kaawan mo po ang aming yumaong si N. (Banggitin ang pangalan ng Yumao). Patawarin mo siya sa kanyang mga pagkukulang at nagawang pagkakasala. Itulot mo na makita niya ang liwanag ng Iyong kaluwalhatian.
Gantimpalaan Mo, Panginoon ang lahat ng kabutihan sa kanyang puso. Patatagin Mo kami sa aming pangungulila dulot ng kanyang paglisan. Loobin mong matanto namin na hindi tinatapos ng kamatayan ang aming responsibilidad sa aming mga magulang na aming pinagmulan.
Turuan mo kaming patuloy silang alalahanin at pahalagahan maging makalipas ng kanilang buhay. Tanggapin mo ang kaluluwa ng aming yumao at lahat ng aming mahal sa buhay na namayapa na. Pagkalooban mo sila ng kapahingahan sa iyong Kaharian.
O Diyos, ipagkaloob mo na pagkatapos ng aming mahabang paghihintay ay makasama namin silang muli sa presensiya ng iyong mga banal. Isinasamo naming hilumin ang ala-ala ng nakalipas at anumang kalabisan, masamang pakikitungo at pagkukulang sa kaniya noong siya’y nabubuhay pa.
Itinataas namin sa Iyo ang aming panghihinayang at pagsisisi, upang ang aming kalungkutan ay huwag maging hadlang sa kanyang kaluwalhatian. Nawa’y ibilang Mo siya sa piling ng Iyong mga angel, umaasa at nagtitiwala na ngayon ay payapa at masaya na siya sa piling Mo.
Hinihiling namin ito sa ngalan ni HesuKristo, na iyong Bugtong na Anak, na naghaharing kasama mo at ng Espiritu Santo, magpasawalang hanggan. AMEN
Негізгі бет PANALANGIN PARA SA YUMAONG AMA O INA | Dasal para sa Namayapang Magulang | DOM LORENZO MARIA, SSCV
Пікірлер: 25