Papa Francisco : Ha'u Hadomi Timor-Leste, Povu Ne'ebé Simples, Familiar & Ksolok
SAP News TL Vatikanu : Hafoin vizita iha ázia pasífika, Papa Francisco hateten nia hadomi povu Timor-Leste, povu ne'ebé simples, familiar no ksolok tebes.
Tuir informasaun ne'ebé SAPNews asesu liu hosi Média Vatican News (14/09/2024) haktuir katak Papa Franciaco Hadomi Timor-Leste, Hakfodak Ho Singapura, Satisfeitu Ho Indonézia no Impresionadu ho Papua Nova Guiné.
Santu Padre dehan nia laran monu ba povu Timor-Leste, povu ne'ebé simples, familiar no ksolok tebes.
“Timor-Leste iha kultura ne’ebé simples, familiar no ksolok ne'ebé sai kultura moris nian, iha oan barak no jovens barak. Ha'u sei hatete tan buat ida: ha'u nia domin monu ba Timor-Leste, ha'u hadomi Povu Timor-Leste.” dehan Santu Padre
Bainhira ko'alia kona ba Lafaek, Papa Francisco sita kona ba ideia oioin ne'ebé mai hosi liur hodi estraga sira nia armonia no kultura moris nian.
"Bainhira ha'u ko'alia kona-ba lafaek sira, ha'u ko'alia kona-ba ideia sira ne'ebé bele mai hosi li'ur hodi estraga armonia ida-ne'e ne'ebé povu Timor iha". Sublinha Papa Francisco
Fo hanoin fali katak, Papa Francisco konklui ona ninia visita ba Ázia no Oseánia nian, orseik fila hikas ona husi Nasaun Singapura ba Vatikanu.
Jornalista : Marciana Da Conceição
Video : Vatican News
.
#papafrancisco #viajenapostóliku #notísiavaticano
Негізгі бет Papa Francisco : Ha'u Hadomi Timor-Leste, Povu Ne'ebé Simples, Familiar & Ksolok
Пікірлер