PASIAN KIANG ZOT ZIA DING
ISAIAH 41:10 TDB
Nang hong ompih ka hih manin lau kei in.
Na Pasian ka hih manin lungkia kei in.
Nang hong thakhauhsakin ka hong huh ding a, nang hong huhin ka hong honkhia ding hi.
ISAIAH 37:36 TDB
Tua ciangin Topa’ vantungmi kuankhia-in Assiria mite’ giahphual ah mihing tul za le tul sawmgiat le tulnga a that hi. Zingsangin mite a thawh ciangin hihte khempeuh misi luang bekbek na hi hi.
2 KHANG TANGTHU NIHNATE 20:21 TDB
Amah in mite tawh thu kikupna a neih khit ciangin, galkapte mai-ah amaute a paikawmin, “Topa tungah lungdamna ko un; bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte a seh hi.
2 KHANG TANGTHU NIHNATE 20:22 TDB
Amaute inla sa-in phat ding a kipat uh ciangin, Judah mite a sim dingin a hong pai Ammon mite,
Moab mite, le Seir Mual gam mite a pangsim ding Topa in koih a, amaute kizo hi.
2 KHANG TANGTHU NIHNATE 20:23 TDB
Bang hang hiam cih leh Ammon mite le Moab mite in Seir Mual a, a tengte a do dingin kipanin
amaute susia mang uh a, Seir-a a tengte a beisak khit uh ciangin amaute khatlekhat kisusia uh hi.
2 KHANG TANGTHU NIHNATE 20:24 TDB
Gamlak a galvilna tausangah Judah-te hong tun ciangin mihonpite’ omna lam en uh hi.
Amaute pen leilakah a puk misi luanghawm vive na hi a, a suakta kuamah om lo hi.
2 KHANG TANGTHU NIHNATE 20:25 TDB
Van kinusiate a tawm dingin Jehoshafat le a mite hong pai ciangin bawngte, vante, puante,
le na manphate tampi tak mu uh a, a puakzawh nawn loh ciang dong uh amau a dingin a la uh hi.
Van kinusiate tam mahmah ahih manin ni thum sung tawm uh hi.
#munlaiagchurch #2023 #phatna #church #2024 #kalay #mag #sunday #action
Негізгі бет PASIAN KIANG ZOT ZIA DING // Rev. Suan Do Lian
Пікірлер