Paxtakor tumanining “Olmazor” mahallasi obod maskanga aylandi
“Obod xonadon - obod koʻcha - obod mahalla” mezonlarini joriy etish boʻyicha, Paxtakor tumanidagi “Olmazor” mahallasi bugun obod maskanga aylandi.
Davlatimiz bosh qomusi qabul qilinganligining 31 yilligi munosabati bilan yangilangan “Olmazor” mahallasida bayram tadbiri tashkil etildi.
Tadbirda viloyat hokimi Ergash Saliyev ishtirok etdi.
“Olmazor” mahallasida bugungi kunda 1225 ta xonadon, 1376 oila, 5379 nafar aholi istiqomat qilib kelmoqda. Mahallada aholini yashasha sharoitini yaxshilash boʻyicha koʻplab ishlar amalga oshirildi.
Jumladan, 3,1 km gaz quvurlari taʼmirandi. 4 ta gaz taqsimlash qurilmasi (GRP) mukammal taʼmirlandi. 33 ta xonadonga suyultirilgan gaz ballonlari tarqatildi.
1,0 km asosiy ichimlik suvi tarmogʻi qismi joriy taʼmirlandi. 10 ta ichimlik suvi nazorat qudugʻi toʻliq taʼmirlandi va 200 metr ichimlik suvi tarmogʻi tortildi.
Mahallada uyma-uy yurib xatlov natijasida aniqlangan 176 nafar ishsiz fuqarolarning 53 nafar fuqarolarga tadbirkorligini boshlash va tadbirkorlikni kengaytirish uchun 1,0 mlrd. 79 mln. soʻm imtiyozli kredit ajratish orqali, 25 nafar ishsiz fuqarolarga jamoatchilik asosida, 18 nafar fuqarolar yoʻnalishi boʻyicha, 39 nafar fuqarolar oʻzini-oʻzi band qilish orqali bandligi taʼminlandi.
“Olmazor” mahallasi markaziy koʻchasining 2,5 km asfaltobeton yotqizildi, 0,5 km beton yoʻlga aylantirildi, 1,5 km tuproq koʻchalar shagʻal yoʻlga aylantirildi.
Shu bilan birga, 2,0 km velosiped va salomatlik yoʻlaklari tashkil etildi. Uy-joyi taʼmirga muhtoj, oʻta ogʻir sharoitda yashayotgan 74 nafar fuqarolarning turar joylari joriy taʼmirlandi.
Негізгі бет Paxtakor tumanining “Olmazor” mahallasi obod maskanga aylandi
Пікірлер: 2