Жетісу облысында тазалық жұмыстары қызу жүріп жатыр. Мемлекет басшысының тапсырмасымен ұйымдастырылған ауқымды шара, бес аптаға созылады. Әр аптаның өзіндік тақырыбы мен нақты мақсаты бар. «Жасыл аймақ» атты апталық көшет отырғызу ағаш егіп, әктеу жұмыстарына арналады. Шараға ақ халатты абзал жандар да өз үлестерін қосты. «Жасыл аймақ» акциясы аясында, перзентхана дәрігерлері ақ халаттарын шешіп, қолдарына күрек алды. Айналаны көгалдандыру жұмыстарына барлығы бір кісідей ат салысты. Қылқан жапырақты шыршаны отырғызып қана қоймай 500-ге жуық гүл екті. Жалпы облысымызда «Таза Қазақстан» шарасы басталғалы бері 20 түп ағаш отырғызылды. Апта соңына дейін тағы жеті мың түп ағаш егу жоспарлануда.
Негізгі бет Перзентхана дәрігерлері ақ халаттарын шешіп, қолдарына күрек алды
Пікірлер