Paràulas: Allumadas de fogu Chimbe carenas fritas: Tintu a ruju ant su logu In oras malaitas. Ballas graes at rutu In sas frunzas d'armidda. Chie bos faghet lutu Mortos de Osposidda? A sa tzega sas armas Fiores ant brujadu: Sun negadas sas parmas A su malefadadu. S'istudat in su putu Un'urtima ischintidda: Chie bos fachet lutu Mortos de Osposidda? Sonende bos passizant Finas in s'istradone: Omines assimizant A peddes de sirbone. Sa pietade at sutu Ranchida sa mamidda: Chie bos fachet lutu Mortos de Osposidda? Ti essit dae su coro Su sambene caente: Mancu medaglia 'e oro T'ant dadu, pitzente. Sunt pranghende a sucutu Pitzinnos 'e pobidda: Chie bos faghet lutu Mortos de Osposidda? Cantu tempus ancora B'at a cherrer, o frade, Pro chi nd'essamus fora De sa barbaridade E no cantent su mutu Sas feminas de 'idda? Chie bos fachet lutu Mortos de Osposidda?
Пікірлер: 5