ПИЛЕШКИ КОПАНИ НА СЕЛСКИ НАЧИН
за 4 лица
- 8 пилешки наткопани
- 400 г лупени компири
- 150 г домати
- 100 г кромид
- 100 г брашно
- магдонос
- 4 гранчиња целер
- 2 лажици пченкарно брашно
- 1 пилешка коцка за супа
- 1 лажица сува мајчина душичка
- масло за јадење
- Хималајска сол
Потребно време за подготовка на ова јадење е 2 часа.
Во тенџере со посолена вода на оган ги вариме наткопаните. Ги вадиме од тенџерето и ги сушиме со кујнска хартија. Потоа ги свалкуваме во брашното и ги пржиме на поголема количина загреано масло во тава на оган. Откако ќе поруменат од двете страни ги вадиме наткопаните од тавата и ги ставаме на чинија.
Во друго тенџере на оган ставаме од водата во која се вареа наткопаните и ја додаваме коцката за супа.
Главицата кромид ситно ја сечкаме и ја пржиме на загреано масло во тенџере на оган. Откако кромидот ќе омекне го ставаме во земјана тава. Гранчињата целер ги сечкаме на парчиња и ги додаваме во тавата. Потоа во тавата ги редиме сварените наткопани и ги наросуваме со мајчината душичка. Компирите ги сечкаме на кришки, а доматите на коцки, па и нив ги додаваме во тавата. Магдоносот ситно го сечкаме и го наросуваме во тавата. Преливаме со 300 мл од супата од коцка и ја покриваме тавата со капак. Ја ставаме во рерна. Печеме 45 минути на 220 степени и ја вадиме тавата од рерна. Во преостанатата супа во тенџерето го додаваме пченкарното брашно и промешуваме со жица. Со размешаното пченкарно брашно ја преливаме содржината во земјаната тава и ја враќаме во рерна. Печеме уште 20 минути на истата температура и ја вадиме тавата од рерна.
На чинија за сервирање ставаме од Пилешките копани на селски начин и декорираме со гранче француски магдонос.
Со ова јадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
Овој рецепт се наоѓа во списанието Храна и вино бр. 150, од Март 2017 год.
www.hranaivino.com.mk
www.hranaivino.tv
Subscribe for upcoming recipes:
/ @hranaivinomkd
Follow us:
Facebook: / hranaivino
Негізгі бет Pileski kopani na selski nacin | Hrana i Vino MKD
No video
Пікірлер: 1