පිරිනිවන් මංගල්යය කැන්ටාටාව | Piriniwan Mangalya World's 1st Buddhist Cantata | Dr.Premasiri Khemadasa
Dr.Khemadasa's Playlist: bit.ly/Premasi...
ආචාර්ය ප්රේමසිරි කේමදාසයන් නිරමාණය කළ පිරිනිවන් මංගල්යය කැන්ටාටාව ලොව ප්රථම බෞද්ධ කැන්ටාටාව ලෙස පිළිගැනේ. බුදුන් වහන්සේගේ පිරිනිවීම වස්තු විෂය සේ ගෙන නිර්මාණය කළ මෙම කැන්ටාටාව, 2007 වර්ෂයේ වෙසක් පෝය දින ඉන්දියාවේ බුද්ධගයාවේ ශ්රී මහා බෝධීන් වහන්සේ ඉදිරිපිට දී මුල් වරට ගායනා කර ඇත. ජේ.ඊ. සේදරමන් විසින් රචිත බලියාග කවි ආශ්රයෙන් නිර්මාණය කළ පිරිනිවන් මංගල්යය උසස් කලා කෘතියක් වශයෙන් මේ මොහොතේ ද රසිකයා තුළ අධ්යාත්මික හික්මීමක් ඇති කරනු ඇත.
එක දිගට ග්රැමෝෆෝන් ගීත අහන්න කැමති අයට:
bit.ly/Srilank...
කට හඬ තුළ පවතින නාද රිද්මයේ සජීවීත්වය සහා නාට්යෝචිත බව තුළින් අවස්ථා සහා සිද්ධි රසිකයාගේ මනස තුළ සජීවී රූපාවලියක් බවට පත් කරනවා. එම සත්ය පිරිනිවන් මංගල්යය කැන්ටාටාව පුරාම පැතිරී පවතිනවා. ඕනෑම රටක සංගීතඥයෙක් භාෂා ව්යවහාරයේ පවතින වෙනස ඇතුළත තමයි වැඩ කරන්නේ. ඉතාලි, ප්රංශ, ජර්මන් ආදී ලෝකයේ කුමන භාෂාවකින් නිර්මාණය වුණු කැන්ටාටාවක් වුවත්, එම බටහිර කැන්ටාටා තුළ දී රිද්මය එක දිගට ගලාගෙන යනවා. පිරිනිවන් මංගල්යය තුළ ජන සංගීතයේ පවතින ව්යවහාරික භාෂා රටාවත් සමඟ, රිද්මය වෙනස් වෙමින් ගලාගෙන යනවා. එය හරිම සුවිශේෂී. ජන සංගීතයයේ පවතින පිරිත් ආදී නාදයන්ගේ ශබ්ද රටාවන්ගේ විවිධ හැඩයන් පිරිනිවන් මංගල්යය කැන්ටාටාවටම ආවේණික වුණු ශෛලියකින් ගොඩනගනවා. එම ශෛලිය තුළ දී චෙලෝ, වියෝලා, වයලීන්, ඕබෝ වැනි බටහිර වාදන භාණ්ඩයන්ගේ හඬවල් සමඟ සිතාර්, උඩැක්කි, තම්මැට්ටම් වැනි පෙරදිග වාදන භාණ්ඩයන්ගේ නාද රටාවන් රිද්මයානුකූලව ගනුදෙනුවක් සිදු කරනවා. ඒ කිසිම හඬක් එකිනෙකට බාධාවක් වෙන්නේ නෑ. ඒ තුළින් මානව සංහතියේම හදවත් තුළ නිවීමක් ඇති කළ හැකි නාද රටාවන් නින්නාද වෙන්න පටන් ගන්නවා.
පිරිනිවන් මංගල්යය පටන් ගන්න තැනම අපිට ඇහෙන්නේ වයලීන්, වියෝලා, චෙලෝ බේස්. ඒ හැම වාදන භාණ්ඩයක්ම ආරම්භ වන්නේ ඉතාමත් සියුම් රිද්මයකින්. ඒ තුළින් අධ්යාත්මික පෙළඹවීමක් ඇති කර සංගීතය ඇසිමට අපිව සුදානම් කිරීමක් සිද්ධ කරනවා. ඒ සියුම් රිද්මයන් කඩලා මැදින් එක්වරම මතුවෙන සිතාර් හඬින් අපිව වෙනස්ම තැනකට ගෙනයනවා. එතන දී එන සිතාර් හඬ සුවිශේෂී. සිතාර් හඬ වාදන වෘන්දයත්, ගායන වෘන්දයත් අතර සම්බන්ධතාවයක් ඇති කිරීමට මැදිහත් වෙනවා. ගායන වෘන්දයේ එන විවිධ හඬ තල (Voice Parts) ඔස්සේ ගලාගෙන යනවා.
පන්සාළිස් අවුරුදු මුණි රජිදුන් වැඩ හිඳ
චුන්දය දන් දුන් බොජුනේ රෝ ගිණි නැග එද
ගංගා තිර වැටෙනා මෙන් නොළසා එ මුහුදු
සංසාරේ නිම්තෙර හිඳ මරුවා හැඬු සඳ
‘ගංගා තිර වැටෙනා මෙන්’, ‘සංසාරේ’ ආදී වචන නැවත නැවත ගායනා කරනවා. ඒම ගායනයේ පවතින පුනරුක්ති සහිත රිද්ම රටා ඔස්සේ ශබ්ද රසය තුළින් රසිකයාගේ මනස තුළ අර්ථ රසය ඉස්මතු කරනවා.
පැතුම් බලෙන් තෙමසක් ගිය තැන් දැන
නිවන් සුවෙන් සමවත් මුණි අරගෙන
ඉතින් පිරිනිවන් පානෙම් සිතු දැන
එයින් දෙරණ කම්පා විය අපමණ
අනඳ තෙරිඳු වඩමින් මුණි ළඟටා
නැමැද පතුල් බිම හස කර සතුටා
නිසද පොළොව කම්පා වුණි එවිටා
කිමද ඇසුවෙ මුණිඳුන්ගෙන් මෙවිටා
මහසත් බිහිවන කලටත් මෙලෙසේ
වසවත් දිනූ බෝ මැඩදිත් එකසේ
ඉමහත් කෙට බිම් කම්පා වුණු සේ
මෙදිනත් මගේ පිරිනිවන ද මෙලෙසේ
මෙම ගායනයත් සමඟ බටහිර වාදන වෘන්දයේ නාද රටා පෙරදිග වාදන භාණ්ඩ සමඟ ඒකාත්මිකව නින්නාද දෙනවා. වචන තුළ අන්තර්ගත අර්ථය, සංගීතයේ රිද්මයන් සමඟ පුළුල් අවකාශයක විහිදී, රසිකයාගේ රසවින්ඳන පරාසය පුළුල් කරනවා.
එක එක රිදී තොරණින් ද
දෙක දෙක රන් රුවනින් ද
සක දිසි පිළි තොරණින් ද
නෙක රන් තරු විල සේ
සැක හැර දහම් නිසින් ද
මහා සඟ සපිරිවරිනි ද
සල් උයනේ මුණි නන් ද
වැඩහුන් සඳ මෙලෙ සේ
සොඳින සුදන රැස්වන සල් වන මැද
මෙදින පිරිනිවන් පානෙම් කී සඳ
නිබඳ හඬන හඬ මහ සඟ වැඳ වැඳ
ඉවත නොයනු නොහඬනු අණ කරනු ද
තෙරිඳුට අඬ ගසමින් අනඳ තොප හඬන්නේ කිමද මෙ දැන්
තෙමසට මුල පෙරදින් නොදනුද මරු මට කලෙ අයැදුන්
සසරට මුණි නොබැඳුන් සිරිතැති සිව් විසි තැන් වඩමින්
නිමකොට බුදුසිරි දැන් මම යමි නිවනට අළුයමදින්
අද සිට කවර බුදුන් සමග හිඳ කරනෙමි පැන විසඳුන්
මගකොට ආ සමිඳුන් දෙනෙත මට කිමද කෙළේ අයැදුන්
සඳවට තරු කැළ මෙන් සැඳී හිඳ නමදිමි කවර බුදුන්
අද සිට මගේ මුණිඳුන් කියන්නේ කාටද අනේ ඉතින්
කාටද අනේ ඉතින්...
මෙහි දී යොදා ගනු ලබන සංගීතය සහා හඬ තල පරාසයන්ගේ නාද රටා තුළ පවතින සංකීර්ණත්වය තුළින් ‘කාටද අනේ ඉතින්’යන ප්රශ්නාර්ථය තවත් තවත්, ප්රශ්න කරනා තැනකට ගෙන යනවා.
සල්වන පිරිනිවනේ මුණිඳු සඳ
දල්වන පහන මෙනේ
මල්දන වැද දෙරණේ හඬන කඳුළින්
අලුුයම මෙදිනේ
උල් දිය විල් ලෙසිනේ නෙතින්
මහසෙන් කඳුළැලි සැළුණේ
සල්වන මල් පවනේ හැඬුම් හඬ
ලෙව් සැම තැන් ඇසුණේ
මල්දන නැගි පහන් ගොසින් කිව
මල්ල රජුට මෙවදන්
වල් වැදි සත යන සේ නොවන්
කිව මල්ල රජුට පුරදින්
සල් වන තුළ මුණිඳු පිරිනිවි කල්
දැන වැඩි මෙලෙසින්
බොල්විය අද මුණිඳු ගොසින් දැන්
මල්ල රජුට පවසන්
මල්ල රජුන් සැට දහසම එ විගස
ගොල්ල සමඟ ප්රියයන් හා නිසි ලෙස
ලොල්ල වඩන දෙනුවන් කඳුළින් පිය
එල්ල වරළ බඳිමින් එති මඟ බැස
සල් වන සෙල් සෙනෙ දැකලා මුණිඳු
සල් වන සොල්වන සේ හැඬු නිරිඳු
කල් මුණි මල් වු අනුරුද තෙරිඳු
කල් නුවණින් සිත සනසයි නිරිඳු
ඔවා දෙමින් දුක් නිෂ්පල වන්නේ
මුවා සඳුන් දර සෑ බඳිමින්නේ
දවා සොහොන් ඒ මුණි රජිඳුන්ගේ
නිවා ධාතු ගනුවයි සනසන්නේ
කෙළෙසින් සෑ මත මුණිඳුන් ලන්නේ
කෙළෙසින් සවුනේ ධාතු ලබන්නේ
කෙළෙසින් පෙර කල මුණිඳු දවන්නේ
එනයින් වදාල මැන තෙරිඳුන්නේ
රන් බඳ රන් සිළු ගෙන සරසන්නේ
රන් දෙණ සුවඳින් තෙල් ගල්වන්නේ
රන් තෙරණින් පුන් සිරි මවමිනිනේ
චන්දන සෑ මත දෙණ වඩමින්නේ
සක්විති රජ පෙර දවනා විලසට
වික්මැති මුනිඳුන්ගේ සරණේ සිට
දුක් නැති කොට රන් දෙණ සිරසා කොට
නික්මෙව මුනිඳුගේ ආදාහනයට
ඩිලූෂා නදීකමාලී (www.silumina.lk/2017/08/12)
---
© 𝐂𝐨𝐩𝐲𝐫𝐢𝐠𝐡𝐭: Copyrighted
𝐘𝐨𝐮𝐭𝐮𝐛𝐞 𝐋𝐢𝐧𝐤 : bit.ly/Silkrout...
Негізгі бет 🔴 පිරිනිවන් මංගල්යය කැන්ටාටාව | Piriniwan Mangalya Cantata | Dr.Premasiri Khemadasa 𝗦𝗜𝗟𝗞𝗥𝗢𝗨𝗧𝗘™
Пікірлер: 39