Öncə Vətən, sonra ailə idi Babək Ramaldanov üçün... 1982-ci ildə Bakıda doğulan Babək, Vətənini qorumaq, Xalqa xidmət etmək üçün Cəmşid Naxçivanski adına hərbi liseyə daxil olub. O, nümunəvi kursant olduğu üçün 2002-ci ildə milli lider Heydər Əliyevin xeyir-duasını alır. Məzun olduqdan sonra 11 il Naxçıvanda xidmət edən Babək Ramaldanov, Polkovnik-leytenant rütbəsinə qədər yüksəlir. Daha sonra N saylı hərbi hissəyə Qərargah rəisi təyin olunan Babək, müharibə başlayan gündən şəxsi heyəti ilə birlikdə 10 gün Murov istiqamətində vuruşub. Uğurlu əməliyyatlardan sonra Babəkin rəhbərlik etdiyi hərbi hissə Füzuli-Cəbrayıl istiqamətində gedən döyüşlərə yollanıb. “İrəli” yox, hər zaman “Arxamca” əmri verən qəhrəman zabit, oktyabrın 16-sı döyüş tapşırığını yerinə yetirərkən 38 yaşında şəhid olub.
Babək Ramaldanov maksimalist idi, o məğlubiyyəti sevmirdi, mükəmmələ çatana qədər tutduğu işdən əl çəkmir. Özünə qarşı tələbkar idi. Hər zaman fərqlənməyi bacaran Babək, magistr təhsili aldığı Rusiya Ümumqoşun Akademiyasını da qızıl medalla bitirir. Keçmiş Frunze adına həmin hərbi akademiyanı indiyə qədər 7 zabit bitirib. Amma Babək Ramaldanov yeganə zabit idi ki, qızıl medalla bitirmişdi. O, təkcə işində və təhsilində deyil, ailə həyatında da diqqətli idi. İki oğul böyüdən Babəkin onlarla bağlı böyük ümidləri, arzuları vardı. Həyat yoldaşı deyir ki, Babək müharibə zamanı belə zəng etməyə imkan tapan kimi uşaqların dərsləri ilə maraqlanırdı.
Babək Ramaldanov üçün təkcə təhsil deyil həm də tərbiyə önəmli idi. Buna görə də övladlarının təlim-tərbiyəsinə xüsusi diqqət və önəm verirdi. Onların düzgün və dürüst olması üçün daim onlarla söhbət edər, istiqamət verərdi.
Polkovnik-leytenant Babək Ramaldanov oktyabrın 18-i Bakıya gətirilərək ikinci şəhidlər xiyabanında dəfn edilib. O, ölümündən sonra “Azərbaycan bayrağı” ordeni və “Vətən uğrunda” medalı ilə təltif edilib
Негізгі бет POLKOVNİK-LEYTENANT BABƏK RAMALDANOV ÜÇÜN VƏTƏN HƏR ŞEYDƏN ÜSTÜN İDİ
Пікірлер