Ποντιακά Κάλαντα Χριστουγέννων_Χριστός γεννέθεν
Τραγουδούν: Κώστας Θεοδοσιάδης, Αλέξης Παρχαρίδης, Γιώργος Ιωαννίδης, Παναγιώτης Θεοδωρίδης, Γιώργος Σιαμλίδης, Στάθης Αλεξανδρίδης, Παναγιώτης Χωλόπουλος και Δημήτρης Κοτσογλανίδης. Λύρα παίζει ο Φάνης Κουρουκλίδης.
Χριστός ’γεννέθεν χαρά σον κόσμον
Χα! Καλή ώρα, καλή σου ημέρα
Χα! Καλόν παιδίν οψέ ’γεννέθεν
Οψέ ’γεννέθεν κι ουρανοστάθεν
Τον εγέννεσεν η Παναΐα
Τον ενέστεσεν αειπάρθενος
Εκαβάλκεψεν χρυσόν πουλάρι
κι εκατήβεν σο σταυροδρόμι
Σταυροδρόμι και μυροδρόμι
Έρπαξαν Ατόν οι χ̌ίλ’ Εβραίοι
Χ̌ίλ’ Εβραίοι και μυρ’ Εβραίοι
Χ̌ίλ’ Εβραίοι και μυρ’ Εβραίοι
Ας σ’ ακρεντικά κι ας σην καρδίαν,
Αίμαν έσταξεν χολήν ’κ’ εφάνθεν
Ούμπαν έσταξεν και μύρος έτον
Μύρος έτον και μυρωδία
Εμυρίστεν ατο ο κόσμος όλεν
Για μυρίστ’ α̤το και συ αφέντα
Συ αφέντα, καλέ μ’ αφέντα
Έρθαν τη Χριστού τα παλληκάρι͜α
και θημίζ’νε τον νοικοκύρην
Νοικοκύρην και βασιλέαν
Δέβα σο ταρέζ’ κι έλα σην πόρταν
Δος μας ούβας και λεφτοκάρυ͜α
Κι αν ανοί͜εις μας χαράν σην πόρτα σ’
Καλά Χριστούγεννα και εις έτη πολλά!
Εικονοληψία-Editing: Βαλάντης Χατζηζήσης-Βασίλης Βασιλειάδης
Το γύρισμα έγινε στη Θεσσαλονίκη στην Αίθουσα Δεξιώσεων ΝΟΣΤΟΣ
Негізгі бет Ποντιακά Χριστουγεννιάτικα Κάλαντα_Χριστός γεννέθεν
Пікірлер: 3