Uduh meme cingak titiang,
Dija meme uli nguni,
Titiang ngruruh mailehan,
Uduh driki jua kapanggih,
Laut cingak nguda titiang,
Uli driki,
Pianak cucu mengantosang,
----------------------------------------------------
Pianak cucu ajak makejang,
Trima pamerase mangkin,
Padum bedik jua kanggoang,
Nangng kayune rahayu,
Selegan je cening jumah,
Meme ninggalin,
Nugtuggang ngwangun yasa,
----------------------------------------------------
Durusang meme mamarga,
Mogi polih genah becik,
Yasayang titiang jumah,
Raris mangkin munggah jukung,
Tan getas meme dijalan,
Tolah tolih,
Ngampuang segara jukunge,
----------------------------------------------------
Pianak cucu pada bengong,
Nyingak jukunge mamargi,
Sayan-sayan mangejohan,
Banban alon samar saru,
Leluhure ulap-ulap,
Uduh cening,
Meme mengalahin luas
----------------------------------------------------
Sentana engsek bengong,
Dipamerasane nangun tangis,
Bantene tan karunguang,
Buyar inguh mangu-mangu,
Leluhure merawat-rawat,
Ane jani,
Upacara kelanturag
----------------------------------------------------------
Admin
Cp: 081805551113
#EtnoBali, #BudayaBali, #BaliCulture
Негізгі бет Pupuh Ginada Linggar Petak || Pemerasan Layon ||
No video
Пікірлер: 304