Bura Ankaradır. 2023-cü il iyunun 3-ü. Rəcəb Tayyib Ərdoğanın andiçmə mərasimi. Paşinyan Türkiyə prezidentinin andiçmə mərasimində görünür. Bu, Ermənistan üçün bir ilk idi. Ermənistan ilkləri yaşadıqca əvvəlki ənənələrindən uzaqlaşır. Bəlkə də pis ənənələrindən. Ərdoğanın aniçmə mərasiminə qatılan Paşinyan Putinin andiçməsində iştirak etmədi. Həmin anlarda İrəvanda jurnalistlərlə söhbəti üstün tutmuşdu. Putinin inaqurasiyasına qatılmamaq bəhanəsi qəribə idi. Rusiya tərəfi deyirdi ki, heç bir dövlət başçısına dəvət göndərilməyib. Amma, görünür, Paşinyan xüsusi diqqət gözləyirmiş. Putinin bundan əvvəlki inaqurasiyası 2018-ci ildə olmuşdu. Həmin mərasim də mayın 7-də baş tutmuşdu. O zaman da Ermənistan liderlərindən heç kim Putinin yanında deyildi. Çünki həmin vaxt Ermənistan özü lidersiz idi. Yaddaşımızı təzələyək. 2018-ci ilin yazı Ermənistan üçün həddən artıq isti keçmişdi. O zamankı prezident Serj Sarkisyan ölkəni parlament üsul-idarəsinə keçirmiş, özü də yenicə baş nazir olmuşdu. Sarkisyan yeni postunda heç bir 1 həftə də qalmadı. Bu, yəqin ki, o zamanlar Rusiya üçün də pis sürpriz olmuşdu. Hər halda Sarkisyan və Koçaryan Moskva üçün daha doğma idi. Putinin inaqurasiyasının ertəsi gün Ermənistan parlamenti ölkəyə yeni baş nazir seçirdi. Bu o idi - indi Putinin ayağına getməyi özünə sığışdırmayan Nikol Paşinyan. Amma hələ ki, getməyə məcburdur. 6 il əvvəl mayın 8-də hakimiyyətə gələn Paşinyan 6 il sonra mayın 8-də Moskvada idi. Buna rəqəmlərin mistikası da deyə bilərik. Paşinyan əvvəlcə Avrasiya İqtisadi İttifaqının yubiley sammitinə qatıldı. Aylardır hər kəs bu günü gözləyirdi. 5 aydan sonra Paşinyan Putinlə üz-üzə gələcəkdi. Bu 5 ayda nələr olmamışdı ki? Paşinyanın aprelin 5-dəki Brüssel sərgüzəştləri hər şeyə bəs idi. Hər iki tərəf etiraf edirdi ki, aralarında yığılıb qalan problemlər var. Görüş cəmi 1 saatdan bir qədər çox çəkdi. Bu müddətdə hansı məsələ həll oluna bilərdi ki? Deyəsən, tərəflər yalnız bir mövzuda razılığa gələ bildilər. Rusiya Azərbaycandan sonra Ermənistan-Azərbaycan sərhədindən də çıxır. Bu o deməkdir ki, Zəngəzur dəhlizində rus sərhədçiləri dayanmayacaq. Rusiyada isə hesab edilər ki, İrəvanı fəlakət gözləyir. Detalları Rusiyadakı xüsusi müxbirimiz Fərid Əkbərov danışır.
Bizi İzləyin:
Whatsapp: whatsapp.com/c...
Facebook: / ictimai.tv
Instagram: / ictimaitv.official
Teleqram: t.me/tvictimai
Sayt: itv.az/
Copyright © İCTİMAİ TV
#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet
Негізгі бет Putindən Paşinyana son xəbərdarlıq
Пікірлер: 10