စစ်တက္ကသိုလ်တွေရှိရာပြင်ဦးလွင်မြို့နဲ့ မိုင် ၂၀ ပတ်ဝန်းကျင်မှာရှိတဲ့ ကျောက်မဲလေးကျေးရွာအခြေစိုက် စစ်ကောင်စီတပ်စခန်းကို မန္တလေး PDF နဲ့ တအာင်းတပ်(TNLA) တို့ထိုးစစ်ဆင်တိုက်ခိုက်နေပါတယ်။
ကျောက်မဲလေးစခန်းဟာ ရှမ်းပြည်နယ်နဲ့ မန္တလေးတိုင်းအစပ် နောင်ချိုမြို့နယ်ထဲက မိုးကုတ် − ပြင်ဦးလွင် ကားလမ်းဘေးမှာရှိတာပါ။
ဒီစခန်းဟာ ပြီးခဲ့တဲ့ ရက်ပိုင်းက မန္တလေး PDF နဲ့ TNLA တို့ ပူးပေါင်းတိုက်ယူထားတဲ့ သံဘိုရွာ စခန်းနဲ့ ၃ မိုင်ခန့်သာ ဝေးပါတယ်။
သံဘိုရွာ စခန်းကိုရပြီးနောက်မှာ မန္တလေး PDF နဲ့ TNLA ပူးပေါင်းတပ်ဖွဲ့ဟာ ရှေ့တဆင့်တက်လာပြီး ကျောက်မဲလေး စခန်းကို ဇန်နဝါရီလ ၆ ရက်ကစတင်ကာ ထိုးစစ်ဆင်တိုက်ခိုက်နေတာလို့သိရပါတယ်။
မနေ့ ဇန်နဝါရီလ ၁၀ ရက်အထိ တိုက်ပွဲတွေပြင်းထန်နေဆဲဖြစ်ပြီး စခန်းမကျဖို့ စစ်ကောင်စီဘက်က လေကြောင်းနဲ့ အပြင်းအထန်ခုခံနေရတယ်လို့ မန္တလေး PDF ပြောရေးဆိုခွင့်ရှိသူ ကိုအော်စမွန်က ပြောပါတယ်။
စစ်ကောင်စီလေတပ်ဟာ တိုက်ပွဲဖြစ်တဲ့နေရာတွေအပြင် တိုက်ပွဲမဖြစ်တဲ့ ကျောက်မဲလေးရွာတဝိုက်က နေရာတွေကိုပါ ဗုံးကြဲတိုက်ခိုက်တာမျိုးတွေ လုပ်ဆောင်နေတယ်လို့ကိုအော်စမွန်ရဲ့ပြောပြချက်အရသိရပါတယ်။
စစ်တပ် ခေါင်းဆောင်ပိုင်းအရာရှိတွေ မွေးထုတ်ရာ စစ်တက္ကသိုလ်တွေရှိတဲ့ ပြင်ဦးလွင်ဆီ ဦးတည်ချဉ်းကပ်လာတဲ့ တိုက်ပွဲတွေနဲ့ပတ်သက်ပြီး စစ်ကောင်စီဘက်က နှုတ်ဆိတ်နေပါတယ်။
စစ်ကောင်စီဝါဒဖြန့် တယ်လီဂရမ်တွေမှာတော့ မန္တလေး PDF နဲ့ TNLA တို့ သိမ်းယူလိုက်တဲ့ သံဘိုရွာစခန်းကို ပြန်ရပြီလို့ ဖော်ပြတာတွေရှိပါတယ်။
သံဘိုရွာစခန်းကို စစ်ကောင်စီတပ် ပြန်ရပြီဆိုတဲ့ ဝါဒဖြန့်မှုဟာသတင်းမှားသာဖြစ်ပြီး အပြည့်အဝ ထိန်းချုပ်ထားနိုင်တယ်လို့ မန္တလေး PDF ပြောရေးဆိုခွင့်ရှိသူ ကိုအော်စမွန်က တုန့်ပြန်ပါတယ်။
သံဘိုရွာစခန်းသိမ်းတိုက်ပွဲမှာ မန္တလေး PDF နဲ့ TNLA ပူးပေါင်းတပ်ဟာ စစ်ကောင်စီတပ်ရဲ့စစ်ကြောင်းမှူး ဒုတိယ ဗိုလ်မှူးကြီးကိုပါ ဖမ်းမိခဲ့တာပါ။
စစ်ကောင်စီတပ်လက်လွှတ်လိုက်ရတဲ့သံဘိုစခန်းနဲ့ လက်ရှိ တိုက်ခံနေရဆဲ ကျောက်မဲလေးစခန်း တွေဟာ ပြင်ဦးလွင်ရဲ့ အပြင်ဘက် ခံစစ်စည်းမှာ ရှိတဲ့ တပ်စခန်းတွေဖြစ်တယ်လို့ နွေဦးတော်လှန်ရေးမှာပါဝင်ခဲ့သူ စစ်တပ်အရာရှိဟောင်းတစ်ဦးက ပြောပြပါတယ်။
ပြင်ဦးလွင်ဆီ ဒီဇင်ဘာလကုန်ပိုင်းက သွားရောက်ခဲ့သူ ခရီးသွားတစ်ဦးရဲ့ ပြောပြချက်အရ မြို့အဝင်အထွက်တွေမှာ စစ်ဆေးရေးတင်းကြပ်ထားပြီး မြို့ထဲမှာ ကင်းလှည့်တာမျိုးတွေ တွေ့မြင်ခဲ့ရတယ်လို့ သိရပါတယ်။
#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews
𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 - 𝗵𝘁𝘁𝗽𝘀://𝘄𝘄𝘄.𝘆𝗼𝘂𝘁𝘂𝗯𝗲.𝗰𝗼𝗺/@𝗽𝗲𝗼𝗽𝗹𝗲𝘀𝗽𝗿𝗶𝗻𝗴
𝗙𝗮𝗰𝗲𝗯𝗼𝗼𝗸 - 𝗵𝘁𝘁𝗽𝘀://𝘄𝘄𝘄.𝗳𝗮𝗰𝗲𝗯𝗼𝗼𝗸.𝗰𝗼𝗺/𝗟𝘂𝗱𝘂𝗡𝘄𝗮𝘆𝗢𝗼
𝗪𝗲𝗯𝘀𝗶𝘁𝗲 - 𝗵𝘁𝘁𝗽𝘀://𝘄𝘄𝘄.𝗹𝘂𝗱𝘂𝗻𝘄𝗮𝘆𝗼𝗼.𝗰𝗼𝗺/
𝗜𝗻𝘀𝘁𝗮𝗴𝗿𝗮𝗺 - 𝗵𝘁𝘁𝗽𝘀://𝘄𝘄𝘄.𝗶𝗻𝘀𝘁𝗮𝗴𝗿𝗮𝗺.𝗰𝗼𝗺/𝗹𝘂𝗱𝘂𝗻𝘄𝗮𝘆𝗼𝗼
𝗧𝗲𝗹𝗲𝗴𝗿𝗮𝗺 - 𝗵𝘁𝘁𝗽𝘀://𝘁.𝗺𝗲/𝗣𝗲𝗼𝗽𝗹𝗲𝗦𝗽𝗿𝗶𝗻𝗴
Негізгі бет ပြင်ဦးလွင်ဆီ တိုက်ပွဲတွေ ချဉ်းကပ်လာ | People's Spring
No video
Пікірлер: 70