قناة ذيـبــان d_5_b_6@ للأنتاج واللتصميم
يرجى الإشتراك في القناة والاعجاب بـ الفيديو
قصيدة : من علوم الليالي شبت
كلمات : مبارك بتران المهمشي
انتاح وتصميم : قناة ذيبان d_5_b_6@
الكلمات
والله اني من علوم الليالي شبت
ترى الشيب ذا ذي بان ماهوب من كبري
من اول سنين العمر جربت ما جربت
وواجهت ما واجهت والناس ما تدري
تغربلني الدنياء من اول طلوع النبت
وعانيت لين ابليت مبليت من عمري
اعاني ولا القى للمعاناة غير الكبت
واقول ابتسم للضيق لاهنت يا صدري
وجرح الزمان اللي معي من زمن ما طبت
تحديتني وانا معك ما نفذ صبري
تحسب ان مطيحي سهل غلطان يوم حسبت
علي زد ألم لاكن على طيحتي بدري
انا خابر ان لو يذوب الصخر ما ذبت
من اول وجا ذلحين وانا على خبري
ماعودت نفسي للتشكا وقولة اتعبت
ولو كنت اعيش بحلم الايتام من صغري
طلعت الصغير اللي فلا اخطيت قالو صبت
وصرت الكبير اللي معاد انقبل عذري
بداري غريب الدار لو كنت ما اتغربت
اذا الصبح بان اغبش واذا الليل حل اسري
اسوق القدم لطموح من دونها ما عدت
ولو كان حساد النجاح اطعنو ظهري
وليا قلت لي يالليل الاشجان وش اكسبت
اقول القناعة كنز يغنا بها الفقري
معول على الدنياء وابشرك ماقد خبت
نصيبي خذيته لا بقلي ولا كثري
ولا زانت الجمعه قهرنا ضروف السبت
وفي خير لو ما نملك الراتب الشهري
نوفي لزوم الواجبه والفعايل ثبت
بشبرِ طويل اليا ارتهب قاصر الشبري
انا عن طباع الناس واسلوبها استغربت
هذا للغلا بايع وذا للبلا يشري
يمرو هلي ماكن خاويت ولاصحبت
يربي دخيلك صار وضع العرب مزري
جفاني وقاطعني وانا اخلصت له وحببت
اليا السبب معروف يانايح القمري
جفاني وانا اللي في سلوم الوفاء ماعبت
على الطيب ما حرف مساري ولافكري
انا الواضح اللي ما تشيعت واتحزبت
وانا الغامض اللي يشبهه بارق الحجري
وانا الثابت اللي مع ميول السنين اثبت
كما الحر في راس الطويله وضع وكري
وانا الثابت اللي من جميع الجهات احربت
ماساوم على مبداي وانا ولي امري
وانا الشاعر اللي كل ما قلت شي اعجبت
جماهيري اللي تنتظر مني الحصري
واليا شفت في الموضوع عذروب ماعذربت
واجامل واخالف فكرة المارد الشعري
ولو حاجتي عند اسود الوجه ما طلبت
اشوف ان وقوفي عنده يقل من قدري
واليا جا الغلط منه وشرواه ماعتبت
ولا اشره على مثله ولا بيح له سري
انا اشره على اللي لانصيته يقول ارحبت
ولا اتكالبت لحداث يشتد به ازري
وابا الرفيع ان ما احترم غيبتي لاغبت
ومن لا فزع لاعاد يبكي على قبري
#اشترك في القناة من فضلك
واضغط زر الاعجاب لنستمر بنشر المزيد
#ذيـبـان d_5_b_6@
Негізгі бет قصيدة من علوم الليالي شبت كاملة مع الكلمات للشاعر مبارك بتران المهمشي انتاج
Пікірлер: 4