من اجمل اغاني وقصائد الشعر من تراث جبلنا
قصيدة ((((( قصة فن ))))
للشاعر
((((( رآفت الحلبي )))))
للفنان
((((( عماد عامر )))))
-------- قصة فن --------
راح غنّيلك قصّة فن
خلّي عيونك بعيوني
صدقي لو ما قيس إنجن
كانت ليلى مجنوني
-----------
صدقي خاصمني السكوت
وجايي عابالي غنّي
ووراقي اشتاقت لبيوت
والغزل ناطر فنّي
متمنّي أعشق .. لموت
وعيش اﻷزل متمنّي
ومش هم الجنّة إن مابفوت
ما أنتي عندي الجنّة
فيكِ اكتشفت الياقوت
والكواكب كيف هنّي
و ارشفت من رضاب التوت
وصبّيت الهنا بدنّي
لو صرتي عندي الﻻهوت
أصنام القد بيدعوني
-----------
بيدعوني خطّلك قاف
وأحكي عن أمجاد القد
وعيون اللي بترمي شلاف
علّاني كحل ومرود
وبلورة جوري شفّاف
كوّنها الباري عالخد
وفجر الثّغر منمنم غاف
لو فاق الشّمس بينعد
وشو عملو فيي الشّفاف
وكيف بدي منهن إستد
والعنق لفتاتو ظراف
لفتي شوب ولفتي برد
ببقى من الله ما بخاف
إن ما كمّلتك بفنوني
-------------
إن ما كمّلتك بالكلمات
شو نفع اﻷبجدية
إنتي رموز و حضارات
آكاد .. وآرامية
بصدرك سر اﻷهرامات
بخوفو وخفرع مبنية
ومنحوت حروز ونقشات
بين ضلوعك مخفية
وصحف وانجيل وتوراة
وحسن من المجدلية
ولو مال الخصر حكايات
فيي قولا.. وما فيي
هيهات أتصبّر هيهات
إن جلتي بخاطر عاظنوني
---------------
إن جلتي تتباهي بديباج
ودملج من كل اﻷلوان
وخليج وشط وأمواج
وتلال بتغلي بركان
وجنينة ومن حولا سياج
ما بيحلم فيها إنسان
ولو قمتي تمشي بغناج
شو ذنبو مني الفستان
وكيف ما بدي عود إحتاج
فكّر بعبادة اﻷوثان
خذتي من كل اﻷبراج
وبتعطيني من الميزان
قلبي عرش وأنتي التّاج
خلقتي للعرش تكوني
----------------
قلتلك قصتي و غنّيت
وشلت الهم الجواتي
وكلمات أشواقي عدّيت
سامحيني عاكلماتي
من يوم فيكي التقيت
غيرتيلي حياتي
وأنا الما صدّقت نسيت
وشيّعت ذكرياتي
تاري لسه ما ابتديت
عم بتعلم حكياتي
مش عيب إنقالوا تربّيت
وعرفت بحبك ذاتي
ومش عيب إنقالوا جنّيت
العيب إن ما جن جنوني
Негізгі бет Музыка قصيدة : قصة فن للشاعر : رافت الحلبي و الفنان عماد عامر
Пікірлер: 3