يا محمد يوم لك في الطيب خبره=يا ولد فالح ليا ذل الزلابه
ابن حركان الظهيري دق صدره=وابوخالد فزعته لجل القرابه
فيه خطٍ وصله راعيه بكره=وصله راعيه عني بالنيابه
شارحٍ عني خبر موجز ونشره=بقلمي وموضحٍ خط الكتابه
وصله عني مبارك طال عمره=ابن عسكر يا ملاذ من التجابه
سلمه يمناه في ديوان قصره=قصره الشامخ علا عز ومهابه
قل يقول سعيد تكفى ضاق صدره=ضاق صدره والزمان يحد نابه
ريف من مثلي بلش وحتار فمره=واندهه بسمه وصوت وعتزابه
يوم لك في الطيب عاده وقدره=فالأمور الكايده يوخذ حسابه
المراجل عادته من قبل كبره=وللنشاما مجلسه مفتوح بابه
الصقور الحايمه في كل خطره=العظيه محزمه في كل نابه
يا مبارك ما على شرواك عسره=ومن سعى لله يجزاه بثوابه
كل طيب والله أنا ما نعذره=نفهم أن السيف من قوة نصابه
لا نشكك في قضاء ربي وقدره=بيننا الشيطان لا يزرع حرابه
الهواجر فالزوم سباع غدره=الهواجر لابتي واعز لابه
الزمان الشين أخذنا منه عبره=يا معين القلب في ماهو ابتلابه
جرح قلبي ما يخيّطه سلك وابره=أضمده وأكناه ويزيد التهابه
بين حزن وبين هم وبين حسره=افزعولي يا مناعير القرابه
يا ابن عسكر فك أسيرٍ طول اسره=بالعوا جاوب مجاويع الذيابه
يشتكي ضيم الليالي فوق كسره=ولا طبيبٍ غيركم بالطب طابه
ابن عسكر للرجال يبين شبره=في الأمور الكايده يتعب ركابه
وان تزهلك في الأمور ودق صدره=أعرف أن السجن عني فك بابه
سعيد .. هادي .. عبدالهادي .. الهاجري .. عسكر .. مبارك .. آل عضيه .. آل أبو ظهير ..
Негізгі бет قصيدة: سعيد بن هادي ال بوظهير الهاجري
Пікірлер: 3