"Qafqazın Yerusəlimi" adlandırılan Qırmızı qəsəbədə "Roş-ha-Şana" bayramı - Baku TV
Quba rayonunun Qırmızı qəsəbəsi dünyada İsraildən sonra yəhudilərin yığcam yaşadığı nadir məkan sayılır. “Qafqazın Yerusəlimi” adlandırılan qəsəbədə məskunlaşan yəhudilər uzun illərdir öz adət-ənənələrini yaşadırlar. Hazırda bütün dünya yəhudiləri kimi, Qırmızı qəsəbə sakinləri də “Roş-Ha-Şana” bayramını, yəhudi təqviminə görə, 5782-ci ili qarşılayırlar.
Bayramın vaxtı təqvimə görə dəyişsə də, hər il əsasən sentyabr ayına təsadüf edir. Yeni ilin başlanğıcı sayılan bu bayram günündə qəsəbə sakinləri dualar oxuyur, ehtiyacı olanlara əl tutur, Tanrıdan günahlarının bağışlanmasını diləyirlər.
Yeni ilin ilk 10 günündə yəhudilər müxtəlif dini ayinləri yerinə yetirir, tövbə edir, müqəddəs
“Tövrat” oxuyurlar.
Qeyd edək ki, dağ yəhudilərinin Qubada məskunlaşması XVIII əsrin ortalarına təsadüf edir. Fətəli xanın Quba xanlığına rəhbərlik etdiyi dövrlərdə bütün ətraf ərazilərdə yaşayan yəhudilər bura köçməyə başlayıblar. Həmin vaxt salınan yəhudi məhəllələrində 10-dan çox sinaqoq inşa olunub. Uzun illərdir buradakı yəhudilər azərbaycanlılarla birlikdə sülh və əmin-amanlıq şəraitində yaşayırlar. Burada yəhudilərin dini icması və milli mədəniyyət mərkəzi fəaliyyət göstərir.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.
Facebookda səhifəmiz:
/ www.baku.tv
/ __baku_tv__
baku.tv
Kanalda bütün müəllif hüquqları qorunur.
#BakuTv #Azerbaycan #trend
Негізгі бет "Qafqazın Yerusəlimi" adlandırılan Qırmızı qəsəbədə "Roş-ha-Şana" bayramı - Baku TV
Пікірлер: 195