27 Sentyabr 2020-ci il biz bu turda olarkən xəbər aldıq ki, Qarabağ - Vətən Müharibəsi başlayıb. Hətta videoda turistlərimizdən biri Füzulinin işğaldan azad olunması qeyri rəsmi xəbərini verdi. Turumuz İsmayıllı rayonun Qalacıq kəndinə oldu. Kənddə bizi Bəhruz adlı dostumuz qarşıladı və evində nahar yeməyi təşkil etdi. Bu gözəl qəlbli insan öz qonaqpərvərliyi və işgüzarlığı ilə Qalacıq kəndi Ləzgilərini ən gözəl formada təmsil edir. Turist kimi kəndə gedərsinizsə, Bəhruzu mütləq axtarın. Tur zamanı biz Qovğadar yaylağını və Qalacıq şəlaləsini də ziyarət etdik. Bu yerlərin gözəlliyindən doymaq mümkün deyildi. Turu Turizm.Az Group-a daxil olan Adventure.Az markası adından təşkil etmişdik. Turda maksimum dərəcədə çalışdıq ki, yerli icmaya iqtisadi qatqımız olsun. Bu səbəbdən bələdçi, nəqliyyat, kənd məhsullarından hazırlanmış nahar yeməyi, kənd məhsullarının satın alınması və digər xidmətlərdən istifadə etdik ki, kəndə və sadə kəndliyə faydamız olsun. Əvəzində isə biz təbiətə zərər vermədən təmiz havada gözəl həftə sonu keçirdik.
Bizi Telegramda izləmək üçün: t.me/AdventureAz
Негізгі бет QALACIQ KƏNDİ - İSMAYILLI - Hiking - Ecotour - Adventure Travel
Пікірлер: 36