Shifokor Hilola Jumayeva:
Tug‘uruq tabiiy jarayon bo‘lib, ona organizmi homiladorlik vaqtida bunga tayyorlanib boradi. Ammo ayrim holatlar sababli tug‘uruq ona yoki bola hayotiga xavf solishi mumkin. Ushbu holatlarda kesarcha kesish jarrohlik amaliyoti qo‘llaniladi. Kesarcha kesish amaliyoti 2 xil bo‘lib, rejali va shoshilinch bo‘ladi. Rejali kesarcha kesish shifokor tomonidan tavsiya etilib, belgilanadi.
Homila suvini erta ketishi, yo‘ldoshning barvaqt ko‘chishi, homila boshi bilan emas tananing boshqa qismlari bilan kelishi shoshilinch kesarcha kesish uchun ko‘rsatma hisoblanadi.
Ona chanoq qismining tor va kichikligi, homila hajmining kattaligi, yo‘ldoshning noto‘g‘ri joylashishi, onadagi buyrak va yurak kasalliklari, bachadon miomasi va ko‘rish o‘tkirligi bilan bog‘liq muammolar esa rejali kesarcha kesish uchun ko‘rsatma bo‘ladi.
Ushbu jarrohlik amaliyotidan so‘ng qayta homiladorlikni rejalashtirish 2-3 yildan keyin amalga oshiriladi.
Негізгі бет Qanday holatlarda kesarcha kesish jarrohlik usuli qo‘llaniladi?
Пікірлер: 7