#فن_المجرور
مونتاج بـرق الحجـاز
..................... قدحة زناد ..................
يا ليل .. انا وياك والقيفان ! والمسرى بعيد
إيْونّس الخاطر مع "البرّاد" نسناس "البراد"
مع انهيار الاقتصاد .. انهارت بْيوت القصيد
انهارت بْيوت القصيد ! مْع انهيار الاقتصاد
على المنابر ( كل ليله نسمع بـ شاعر جديد )
متى يمرون الشعر "هيئة مكافحْة الفساد" ؟
ضروري الشعار تتاكد من "اسم المستفيد"
ما فيه احد يا حضرة الشعار فوق الانتقاد
المدح لـ اللي فاللوازم مثل "سيف ابن الوليد"
وش حدّكم بـ عيون خلق الله تذرون الرماد !
والمدح ! لـ اللي لا تزهّل لـ النشاما .. ما يحيد
قرمٍ / تشابه فزعته ! "جْيوش طارق بن زياد"
"الصيت والسمعه" .. يحصّلها بعد جهدٍ جيهد
كلمة ( نعم ) يبغى لها .. قوة عزيمه واجتهاد
يشوش راسي وافتخر بفعول ربعي .. والاكيد
مقامٍ ! يْمثل بني عمي .. يبي ( قدحة زناد )
يا مرحبا .. بـ ضيوفنا الغالين ! ونْعيد ونزيد
ترحيبة السفطان .. والغالي "يقلّط" بـ الفؤاد
الله يحييكم .. وشوفتكم ! تراها 'يوم عيد'
يا مرحبا .. وامقابل الاحباب عيد مْن العياد
تفضلوا .. حياكم الله .. ليلنا "حظه سعيد"
( على الشبب والعود الازرق والدلال ام القناد )
اهل الكرم والجود لو يتحققون مْن الرصيد !
"حجم التداول" في سيرّهم في نمو وفـ ازدياد
يا حفلنا الباهي عشانك ننظم "العقد الفريد"
( والله ! ما يرتاح بالي .. قبل تحقيق المراد )
الناس تبغى المختصر مني .. ويبغون المفيد
في كل يوم مْن العمر نطلع بـ درسٍ مستفاد
ليا مدحت امدح كفو "والله على قولي شهيد"
( يا رب ثبتني .. على دروب الهدايه والرشاد )
راشد حفيد ( مْجرّي الهيّاب ) يا نعم الحفيد
من خامس المرقان ! بيت العز وطيور الهداد
يلوي ذراع الكايده ويقول لك : هل من مزيد !
يقدم على النوماس ! بـ العده ويقدم بـ العتاد
يا راشد المرجو لك التوفيق و العيش الرغيد
تستاهل الامداح ! وانته ( ترْثة الشهم الجواد )
( نجم ابن عبد العزيز ) .. امعلقٍ رتبة "عقيد"
"عقيد قومٍ" ! فـ العلوم الغانمه .. علمٍ وكاد
( كنز القناعه والدّها والعرْف والراي السديد )
سمح المحيا .. له مكان ومنزله بين العباد
من روس قومٍ ! بأسهم فالمرجله باسٍ شديد
على ميادين المراجل عاشت بـ حرب وجهاد
ثْبيت ساس البيت ! والتاريخ والمجد التليد
من يومها بالسيف فـ الميدان وظهور الجياد
قبيلةٍ ! بنيانها ثابت .. على الساس الجويد
اهل البيوت العامره بالطيب وشْيوخ الشداد
يا منافس العتبان فالطالات "خلك فالصعيد"
فـ "المويه العكره" كثير يْحاولون الاصطياد
ربعي .. عزيزين المقام اللي يضدّون الضديد
محوالهم على "فقار المجد" في صبح وهجاد
خوينا .. "يبشر بـ عِزه" / لا تزيد ولا تعيد
لكن ! ترى عدونا .. ( يْعيش تحت الاضطهاد )
هاني الدهماني
Негізгі бет قدحة زناد 🔥 | كلمات هاني الدهماني | اداء سيف المنصوري | حصري 2023
No video
Пікірлер: 12