قلبي اللي مابعد ذاق للراحه طعم
يوم واحد والله اني ماخبره ذاقها
عايش ٍ مابين هم ٍ شديد وبين الم
يالله انك ترحم الحال ياخلاقها
ارحم اللي جسم حاله غدا مثل القلم
تلعب الارياح به لعبها باوراقها
انبرى مما يرى من ظليمه ومن وهم
من هموم ٍ طاقها القلب ماحد طاقها
لي ثمان سنين او اكثر على ساق وقدم
ترعد المزنه ولا لاح لي براقها
واتجبر واتصبر لا ياصبر الندم
ضاقت الدنيا بعيني وضاق اخناقها
جادل ٍ سبحان رب ٍ خلقها من عدم
مع حلاوتها حلو خلقها واخلاقها
احسب إن القلب يسلم لكن ماسلم
صابته واستبدلت وصلها بفراقها
____________________
غناء وعزف/ طارق عبدالله
Snap:
/ tareq_abdul
Insta:
instagram.com/...
#قلبي_اللي_مابعد_ذاق#اغاني_عود #طارق #عود
Негізгі бет قلبي اللي مابعد ذاق لراحه طعم - عود | طارق عبدالله
Пікірлер: 149