كلمات الشله 🔻
يا هاجسي واليوم مابه معاذير
هات البيوت مشرفة من نشرها
في وصف ابن سلمان هات التعابير
ولي عهد الدار قمة فخرها
تخضع له العالم (مهابه) و (تقدير)
(يدٍ يصافحها) و (يدٍ كسرها)
سلام يا حرٍ شلع شلعة الطير
اللي حياته لاجل داره نذرها
الله يديمك ذخر للشعب يا امير
ويديم عز بلادنا ويعمرها
الرؤيه اللي في طرفها التباشير
هلت سحايبها وسبَّل مطرها
رؤياك يا نسل الملوك المشاهير
تبصر لها اشياء ما به احدٍ بصرها
مستقبل الدوله معك زاد تنوير
واصبحت عين الدوله انت ونظرها
داء الفساد اللي كسر عجلة السير
عمّ البلاد الشامخه واحتكرها
شهرت باهله فالقناوات تشهير
خليتهم عبره لمن يعتبرها
ما قلت هاذولا شيوخ وهوامير
قلت البلد ما تنطعن في ضهرها
فالحد عسكرها صفوف وطوابير
والداخليه ما جهلنا خطرها
وإنا جنودك فالليال المعاسير
ارواحنا دون البلاد نخسرها
اللي تبيه يصير باذن الله يصير
دوك المدافع حطنا في نحرها
يابن الامام مسطر المجد تسطير
قبل الجزيره لا تزور خبرها
صاحبه ينعم ما يحسب المخاسير
واعداه في وسط المقابر قبرها
وحكامنا ال سعود من دون تزوير
قومٍ تقادح روسها من سطرها
على العدا دايم سيوفٍ بواتير
تشكي عيون اعدائهم من سهرها
المملكه في ضلهم كلها خير
معاد تعرف بدوها من حضرها
Негізгі бет قمة الفخـر 🔥| كلمات : محمد خالد ابن مصلح | اداء :عبدالله مفرّح
Пікірлер: 9