شفت المطر لا هل وأبرق سحابه
وسالت الوديان سيلٍ مهيبي
منه إرتوى قاصي العرب و القرابه
والأرض طابت والسهر زاد طيبي
شاق المولّع عقب ليلك عذابه
وأصبح عقب فرقاك صبحه صويبي
والقلب يشكي في سما الوجد مابه
طوّح بعالي الصوت ولا من مجيبي
لله أبشكي طيبتك والذَّرابه
وحسن اللقى والكلمة اللي تصيبي
أمشي وجرح الروح محدٍ درى به
جرحٍ عَجز يبراه طب وطبيبي
وانت السبب ياللي خذاني سرابه
أطرد وراه إسنين ولا من نصيبي
وإنته عطبت الجرح وزدت بمصابه
وانته عليك الشوق يقنب قنيبي
أما ترد الوصل وتهج بابه
وإلا فسلام الله تجي أو تغيبي
Негізгі бет قناة أمسيه شاعريه _ شعر شعبي _ طالب البلال (شفت المطر لا هَل وأبرق سحابه) .
No video
Пікірлер: 2