Qo‘rqita olmaysiz ketishlar bilan,
Qancha qadrdonni yo‘qotib bo‘ldim.
Qancha kechishlarda parchalandimu,
Necha bor tirildim, necha bor o‘ldim!
Eng baland gulxanlar menga cho‘g‘ misol,
Qanday olovlarda yondim, bilmaysiz.
Kelishingiz bilan quvondim, ammo,
Ketishingiz bilan qo‘rqitolmaysiz.
Qancha gurzilarga berolmadim chap,
Qancha pichoqlarni quchdi kuragim.
Muzlab, so‘ng muzidan tushganga o‘xshab,
Ilvillab turibdi sho‘rlik yuragim!
Qoqilib, surilib, yiqilib to‘ydim,
Ko‘ngil suyagining butun yeri yo‘q.
Tili bilan yurar fisqu-fasodlar,
Hamon so‘zlaridan yasaydilar o‘q.
Ketib azoblayman deya o‘ylamang,
Etim qotib bo‘ldi azoblaridan!
Bir oz rahimdilsiz, aniq bilaman,
Dunyoning dilozor kazzoblaridan!
Ehe, qancha qorlar bosdi boshimni,
Qancha yomg‘ir yog‘ib, qanchasi tindi!
Aniq ko‘rolmaysiz ko‘zda yoshimni,
Hullas, ketishlardan qo‘rqmayman endi!
✍️Malika Salimova
🎙Ilhomjonovna
Негізгі бет Qo‘rqita olmaysiz ketishlar bilan
Пікірлер: 3