Qubanın hava şəraitinə tamamilə uyğunlaşan alma həm dadına, həm də məhsuldarlığına görə yerli meyvələrdən fərqlənir.
Növbəti süjetimizdə Qubada ən bahalı alma hesab edilən Yapon almasından bəhs edəcəyik.Bağında Yaponiyadan gətirilən alma sortları becərən qubalı bağban Ramiz Kərimov bu il təsərrüfatından xeyli məhsul əldə etdiyini deyir. Gəlin dünyada ən bahalı alma sayılan yapon almasını və onu yetişdirən bağbanı Qafqaz tvdə tanıyaq.
Bağı rayonun Birinci Nügədi kəndində olan sahibkar 13 ildir yapon alma sortları becərir.
Ömrünün 50 ilindən çoxunu bağçılıqla məşğul olan Ramiz Kərimovun bir hektara yaxın meyvə bağında 900-dək yeni sort alma ağacı var. Bu alma ağaclarının əksəriyyəti Yaponiyanın Yamanaşi bölgəsindən gətirilən “Fuci”, “Sakuray” və “Ramzes” sortlarıdır. Təsərrüfatçı bu il yapon alma sortlarından bol məhsul əldə edib.
2006-cı ildən yaponiyalı mütəxəssislərlə təcrübə mübadiləsi aparan Ramiz Kərimov uzaq şərq ölkəsində becərilən məhsuldar alma sortlarının tinglərini əldə edib. Həmin tingləri bağında əkərək calaq vasitəsilə çoxaldan bağban yetişən məhsulun yerli almalardan xeyli fərqləndiyinin şahidi olub. Qubanın hava şəraitinə tamamilə uyğunlaşan alma həm dadına, həm də məhsuldarlığına görə yerli meyvələrdən fərqlənir. Bununla yanaşı, yapon alma sortları xəstəliklərə qarşı daha davamlıdır. Quba Regional Aqrar Elm və İnnovasiyalar Mərkəzinin direktor müavini Mədət Qurbanov Bildirib ki, bu almalar insanı orqanizmi üçün çox faydalıdır.
Yapon almasının ağacları da dözümlü ağac hesab edilir. Bağban Alma bağına yalnız üzvi gübrələr verdiyini , dərmanlamanı da yapon mütəxəssislərin təklif etdiyi xüsusi üsulla həyata keçirirdiyini bildirir.
Qocaman bağban calaq vasitəsilə yeni alma sortları da əldə etməyə davaM edir.. Məhz bu xüsusiyyətlərinə görə də həmyerliləri Ramiz Kərimovu “qubalı Miçurin” deyə çağırırlar
Негізгі бет QUBA BAĞLARINDA DÜNYADA ƏN BAHALI ALMA SAYILAN YAPON ALMASI 1
Пікірлер: 1