PISTA NG PAGKAREYNA NG MAHAL NA BIRHEN
Gingugunita ng Simbahan ang Pista ng Pagkareyna ng Mahal na Birhen. Turo ng Iglesya, simple lang ang rason kung bakit kinikilalang ‘Reyna’ si Maria; ito’y dahil sa ‘Hari’ ang turing natin kay HesuKristo! Itinalaga ni Papa Pio XII ang Pista noong Oktubre 11, 1954 sa pamamagitan ng Papal Encyclical na “Ad caeli reginam” (ACR).
Panuto ng Papa, walong araw matapos ang pagdiriwang Pista ng maluwalhating pag-akyat sa langit ng Mahal na Birhen, gugunitain naman ng Simbahan ang Pagkareyna ni Maria. Inilunsad ng Banal na Papa ang nasabing selebrasyon upang kilalanin ng lahat ng tao ang mapagmahal at maawaing kalinga ng Ina ng Diyos.
Ipinatutupad ani Pio XII ang pagdiriwang upang bigyang pugay ang pakikilahok ng Mahal na Birhen sa pangkalahatang paghahari ng Diyos sa pamamagitan ng papel na ginampanan nito sa kaligtasang handog ni HesuKristo sa tanan.
Malinaw ang turo ng ACR na tangan ng Mahal na Birhen ang pandangal na titulo bilang ‘Reyna ng Langit’ hindi bilang karibal ni Kristong Hari kundi upang bigyang halaga ang pagiging daluyan ng grasya nito (Mediatrix of Grace).
Pinapahalagahan, samakatuwid sa Pista ng Reyna ng Langit ang responsibilidad ni Maria bilang ‘paaugusan ng pagpapala’ ng Diyos. Kaya’t hindi man niya kapantay ang anak na si Hesus sa dangal, mahalaga ang laan niyang tungkulin.
Turo ng Simbahan, kalooban ng Diyos na ipataw sa Mahal na Birhen ang nasabing ‘role’ upang makating ang lahat sa Kanyang Kaharian. Sa langit, nanguguna si Maria bilang lingkod ni Kristong Hari; walang dudang napakabisa ng pamamagitan nito.
Diin ng Iglesya, ipinutong kay Maria ang korona ng kaluwalhatian dahil sa kanyag pagiging dukha at mapagpakumbaba. Hindi kailanman niloob ng Birhen ang anumang hadlang sa Kalooban ng Diyos, kaya't nanatili itong huwarang lingkod at karapat-dapat sa iginawad na parangal.
Nawa, manatili rin ang ating tiwala katulad ni Maria sa kalooban ng Diyos lalo na sa harap ng mga pagsubok. Huwag nawang mangibabaw ang takot at duda sa ating puso ngayong panahon ng krisis. Sa muling pagtatalaga ng sarili ngayong Pista sa ating Mahal na Ina, makamit at masulyapan rin nawa natin ang dingal ng langit sa tulong ng Kanyang gabay at panalangin.
Reyna ng Langit, ipanalagin mo kami!
Негізгі бет QUEENSHIP OF MARY (AUGUST 22, 2O24) | THE TRUE EMPRESS OF THE UNIVERSE | DOM LORENZO MARIA 🌿
Пікірлер: 5