حفل الفنان رامى عصام فى ساقية الصاوى 17 أكتوبر 2012 ، فى قاعة النهر
/ ultrasramyessam.ure
كلمات: ابو زيد بيومى
لمـّـا تكون شغـّــال بزمـّـــــــــة .. خايف على مصلحة الأمـــــــــــة
شغلك يطلع من غير لازمـــة .. علشان مابيعـلاش غيـر واطــى
طاطي راسك طاطي طاطي .. إنت في وطن ديموقراطــــــــــي
ولمـّـا شقاك يصبح مش ليـــــك .. فقـرك سـد السكــة عليـــــك
تتلفــــــت تلقــــاه حواليــــــك .. إمــّــا حرامــــــى أو متعاطــى
طاطي راسك طاطي طاطي .. إنت في وطن ديموقراطــــــــــي
ولمـّـا الاخوان يبقوا أمامـــــــــك .. أو فوقك ماسكين فى زمامك
ويسوقــــك عالهلكــة إمامـــــــك .. تشـرب مــ السّـم السقراطى
طاطي راسك طاطي طاطي .. إنت في وطن ديموقراطــــــــــي
ولمـّـا الكلمــة تكون بتدينـــــك .. لمـّــا تخبـــى فـى قلبــك دينــك
لمـّـا الذل اشوفوا فى عينــــك .. هـات إحبـاطـك على إحبـاطـــى
طاطي راسك طاطي طاطي .. إنت في وطن ديموقراطــــــــــي
ولمـّـا المرشد يبقى حاميها .. وبــلاده ورا ضهــــــره راميــــها
طالــــع نــــازل واكــــل فيهــــــــا .. مسنود بالبدلـه الظبـّـاطــــــى
طاطي راسك طاطي طاطي .. إنت في وطن ديموقراطــــــــــي
Негізгі бет رامى عصام _ طاطى طاطى "من حفل ساقية الصاوى"
Пікірлер