రాయలసీమ ఈ ప్రాంతంలో పౌరుషం ఒకటే కాదు ప్రేమాభిమానాలు నిండిన మనుషులు, మహానుభావులైన ఎందరో ప్రముఖులు మనకి దర్శనమిస్తారు.
రాయల సీమ ఈ పేరు చెప్పుకోవడానికి చాల హుందాగా ఉంటుంది. ఈ పేరు పుట్టి సుమారు 95 సంవత్సరాలయింది. ఇలాంటి గొప్ప గొప్ప పేర్ల వెనుక ఒక చరిత్ర ఉంటుంది.. ఆ చరిత్రకో కారణం ఉంటుంది..
మన రాయల సీమ పెరు వెనుక అటువంటి గొప్ప చరిత్ర దాగి ఉంది.. దాని గురించి మనం తెలుసుకోవాల్సిన అవసరం ఎంతైనా ఉంది..
ఇలాంటి ఆసక్తికరమైన మరిన్ని అంశాలని మీ ముందుకు తీసుకురావడానికి నేను సిద్దంగా ఉన్నాను. దయచేసి మన చానల్ ని సపోర్ట్ చేయండి సుబ్స్క్రిబ్ చేయండి, లైక్ చేసి మన వాళ్లందరికీ షేర్ చేయండి..
మన రాయల సీమ ప్రాంత చరిత్ర తీసుకుంటే ఒకప్పటి విజయనగర సామ్రాజ్యంలో రాయల పాలనలో సుభిక్షంగా పరిపాలించబడుతూ. సుఖ సంపదలతో వెలుగొందిన ప్రాంతం మన రాయలసీమ.
రాయల సామ్రాజ్యం పతనం అయిన తరువాత పలురకాల రాజులు, సామంతులు, రాజ వంశాలతో పరిపాలించబడింది. ఆ తరువాత 1792 మూడవ మైసూరు యుద్ధం ఒప్పందం ప్రకారం. నిజాం నవాబుల పరిపాలనలోకి వచ్చింది, అలా 1800 వ సంవత్సరం వరకు నిజాం పాలనలో ఉన్న ఈ ప్రాంతం మీద మరాఠులు, టిప్పు సుల్తాన్ చేస్తున్న దాడులని ఎదుర్కోవడానికి అప్పుడు పరిపాలిస్తున్న రెండో నిజాం రాజు, బ్రిటిష్ వారిని సహాయం కోరాడు. అందువలన బ్రిటీష్ సైన్యం రెండో నిజాం వైపు నిలబడి పోరాడింది. బ్రిటీషు వాళ్ళు చేసిన సాయానికి రెండో నిజాం ఇప్పుడున్న రాయలసీమ ప్రాంతాన్ని ఈస్ట్ ఇండియా కంపెనీకి వారికి దత్తత ఇచ్చారు. దీన్ని బ్రిటిష్ వాళ్ళు 1800వ సంవత్సరంలో అప్పుడున్న మద్రాసు రాష్ట్రంతో కలిపి సీడెడ్ జిల్లాలుగా పిలవడం మొదలు పెట్టారు. ఇంగ్లీషులో ఒక ప్రాంతాన్ని, ఆ ప్రాంతంపై అధికారాన్ని మరొకరికి బదిలీ చేయడాన్ని సీడెడ్ అని అనేవారు. అందువలన యీ ప్రాంతాన్ని సీడెడ్ జిల్లాలుగా పిలిచే వాళ్ళు దీనినే తెలుగులో ' దత్త మండలాలు'గా వ్యవహరించేవారు. ఆ తరువాత కాలంలో ఎంతమంది ఈ పేరుని వదిలిపెట్టినా ఇప్పటికి మన సినిమా ఇండస్ట్రీ వాళ్ళు మాత్రం మన రాయలసీమ ప్రాంతాన్ని, ఆ బ్రిటీష్ వాళ్ళు పెట్టిన సీడెడ్ అనే పేరుతో పిలవడం మాత్రం వదలలేదు.. దీనిని చాలామంది సినిమా అభిమానులు గమనించి ఉంటారు..
ఇప్పుడు మన రాయల సీమ ప్రాంతం ప్రస్తుతం కడప, కర్నూలు, అనంతపురం, చిత్తూరు.. నాలుగు జిల్లాలతో కలిపి రాయలసీమ అని అంటున్నారు కానీ గత 95 సంవత్సరాల క్రితం వరకు ఈ దత్త మండలం కింద నేడు ఉన్న నాలుగు జిల్లాలతో పాటు ప్రకాశం జిల్లాలోని గిద్దలూరు, కంభం, మార్కాపురం, కర్నాటక లోని తుముకూరు, ధవన గిరి, బళ్ళారి.. ఊర్ల తో కలిసి ఉమ్మడిగా ఉండేది.
మన ఆంధ్ర ప్రాంతం మద్రాస్ రాష్ట్రంతో విడిపోవాలనే ఉద్దేశ్యంతో పుట్టిన ఆంద్రోద్యమం కారణంగా ఆంధ్ర మహాసభలు జరిగేవి, ఆ ఆంధ్ర మహాసభల్లో భాగంగా సీడెడ్ జిల్లాల సమావేశాలు 1928లో మన కడప కోటి రెడ్డి గారి ఆద్యక్షతన నవంబర్ 17, 18 తేదీల్లో నంద్యాలలో జరిగాయి. ఈ మహా సభల్లో, మన రాయలసీమ ప్రాంతాన్ని పిలుస్తున్న సీడెడ్ లేదా దత్త మండలం అన్న పదం బానిసత్వాన్ని సూచిస్తూ, అవమానకరంగా ఉందన్న ఉద్దేశంతో దీన్ని మార్చాలన్న ప్రతిపాదనలు ఆ సమావేశాల్లో వచ్చాయి. ఆ క్రమంలో ఈ సమావేశాలలో పాల్గొన్న అనంతపురం జిల్లాకు చెందిన చిలుకూరి నారాయణ రావు గారు యథాలాపంగా సీడెడ్ బదులు రాయలసీమ అనే పేరు ప్రతిపాదించారు. అక్కడున్న అందరు సభ్యులు కూడా ఆ తీర్మానాన్ని ఆమోదింపచేశారు. అప్పటి నుండి బళ్లారి, అనంతపురం, కడప, చిత్తూరు, కర్నూలు ప్రాంతాలను రాయలసీమగా పిలవాలని ఆ సభల్లో తీర్మానించారు
రాయలసీమను దత్త మండలంగా పిలవడంపై తన అభ్యంతరాన్ని చెబుతూ చిలుకూరి నారాయణ రావు గారు ఆగ్రహంతో కవిత ఇలా రాశారు.
దత్తన మందును నన్ను దత్తమెట్లగుదు
రిత్తన మాటలు చేత చిత్తము కలదె
ఇచ్చినదెవరో పుచ్చినదెవరురా పుచ్చుకున్నట్టి ఆ పురుషులు ఎవరో
తురక బిడ్డండిచ్చె దొరబిడ్డ పట్టె
అత్తసొమ్మునుగొని అల్లుండుదానమర చేసినట్టు.
దీని సారాంశం ఏమిటంటే..! ఇవ్వడానికి నిజాం ఎవడు, తీసుకోవడానికి తెల్ల దొర ఎవడు? అత్తసొమ్ము అల్లుడు దానం చేసినట్టు, ఈ ప్రాంతాన్ని ఎలా దానమిస్తారంటూ అర్థం. ఇలా దత్తమందలంగా ఉన్న మన ప్రాంతం రాయలసీమ గ అవతరించింది. ఆ తరువాత మద్రాస్ నుండి విడిపోయిన మన ఆంధ్ర రాష్ట్రంలో నూతనంగా జిల్లాలను ఏర్పాటు చేసి కర్నూల్ జిల్లాలో ఉన్న గిద్దలూరు, కంభం, మార్కాపురం ప్రకాశం జిల్లాలో. బళ్ళారి, తుముకూరు ప్రాంతాలు కర్ణాటలో విలీనం చేసిన తరువాత నేడు కడప కర్నూల్, అనంతపురం, చిత్తూరు ని రాయల సీమ గా పిలుస్తున్నారు.. కాని ఇప్పటికి రాయలసీమ అంటే అదొక ఫ్యాక్షన్ నిండిన ప్రాంతంగా చెప్పుకునే మహానుభావులు ఎందరో ఉన్నారు..
ఇన్ఫర్మేషన్ నచ్చితే కచ్చితంగా మన కడప రిపోర్టర్ చానెల్ ని సుబ్స్క్రైబ్ చేయండి. లైక్ చేయండి, మీ సన్నిహితులకి షేర్ చేయండి.
Негізгі бет రాయలసీమ పేరు వెనుక దాగున్న చరిత్ర.రాయలసీమ వాళ్ళు తెలుసుకోవాల్సిన విషయం.
No video
Пікірлер: 9