For Enquiries Jayadev: 9633605205
*** Follow us on ***
Instagram: / travel_gunia
Facebook: / travelguniaamindfultra...
WhatsApp: wa.me/message/VMZFFPT6UEGXA1
പ്രത്യേകിച്ച് ലക്ഷ്യമൊന്നുമില്ലാതെ കാഴ്ചകൾ കണ്ടുനടക്കുന്ന സഞ്ചാരങ്ങൾ പലപ്പോഴും കൂടുതൽ പുതുമയുള്ള കാര്യങ്ങൾ അപ്രതീക്ഷിതമായി നമ്മളിൽ എത്തിക്കും. ഈ യാത്രയും അത്തരത്തിൽ ഒന്ന് സാധിച്ചു തന്നു. മുൻപെപ്പോഴോ അലസമായ തിരച്ചിലുകളിൽ കണ്ണിൽപ്പെട്ട പേരറിയാത്ത ആ സ്ഥലത്ത് ചെന്നെത്തിയപ്പോൾ പണ്ടെപ്പോഴോ ഇതുവഴി നടന്നുപോയ പോലെ തോന്നി. തികച്ചും ഒറ്റപ്പെട്ട ഒരുസ്ഥലം, ആടുമേക്കാൻ വന്ന ആട്ടിടയന്മാർ കാലികളെ സ്വതന്ത്രമായി വിട്ടിരുന്നു. അവയുടെ കഴുത്തിൽ ആടുന്ന മണിക്കിലുക്കം അന്തരീക്ഷത്തിൽ പരിപാവനമായൊരു താളമേളം ഉണ്ടാക്കുകയുണ്ടായി. ദൂരെ നിന്ന് കണ്ടപ്പോൾ പാതി തകർന്നൊരു വഴിയമ്പലം മാത്രമേ ശ്രദ്ധയിൽ പെട്ടുള്ളു. കുറച്ചുകൂടെ കാടിനകത്തേക്ക് പോയപ്പോഴാണ് വിശാലമായൊരു നടുത്തളത്തിൽ കരിങ്കല്ലിൽ പണിതുയർത്തിയ രണ്ട് കെട്ടിടങ്ങൾ കാണാൻ സാധിച്ചത്. കാലപ്പഴക്കം തകർച്ചയുടെ വഴിയിൽ കൈപിടിച്ച് നടത്തുന്ന ക്ഷേത്ര സമൂച്ഛയം. രാജകീയമായ പഴയ പ്രൗഢി പൂർണ്ണമായും അവകാശപ്പെടാൻ ഒന്നുമില്ല. പക്ഷെ ചിറക്കൽ രാജവംശത്തിന്റെ വകയായിരുന്നു ഈ കാനന ക്ഷേത്രം. ഇതിങ്ങനെ ഉപേക്ഷിക്കപ്പെട്ടുപോയതിനു പിന്നിൽ ഒരു കഥയുണ്ട്. വയനാട്ടിലെ തിരുനെല്ലി ക്ഷേത്രം പണികഴിപ്പിച്ച അതേ കാലത്താണ് ഈ ക്ഷേത്രം രൂപപ്പെട്ടുവന്നത്. തിരുനെല്ലി ക്ഷേത്രം ഉണ്ടാക്കിയ കല്ലുകൾ അവിടെ നിന്നും പൊളിച്ചു കൊണ്ടുവന്നാണ് ഇത് പണിതതെന്ന് പറയപ്പെടുന്നു. സീതാദേവി വനത്തിൽ ലവകുശന്മാർക് ജന്മം നൽകിയത് ഇവിടെവെച്ചാണെന്നും കഥകളുണ്ട്. വയനാട്ടിൽ വാല്മീകിയുടെ ആശ്രമം ഉണ്ടായിരുന്നു എന്നൊക്കെ അനുബന്ധമായി കേൾവികളുണ്ട്. അത്യപൂർവ്വമായ കൊത്തുപണികളോടുകൂടെ ഒരുക്കിയെടുത്ത കവാടവും മറ്റ് കെട്ടിടങ്ങളും ഇന്ന് വേറെവിടെയും കാണാൻ സാധ്യതയില്ലാത്ത കാഴ്ചകളാണ്. അതിൽ ഏറെ അത്ഭുതം തോന്നിയത് ഒട്ടകത്തിന്റെത് എന്ന് തോന്നിക്കുന്ന ഒരു കൊത്തുപണിയായിരുന്നു! ആദ്യം കാളയോ കുതിരയോ ആകുമെന്ന് സംശയിച്ചു, പക്ഷെ സൂക്ഷ്മമായി നോക്കിയപ്പോൾ ഒട്ടകത്തിന്റെ രൂപമയാണ് കൂടുതൽ സാമ്യം തോന്നിയത്. കേരളത്തിലെ ഒരു ക്ഷേത്രത്തിൽ മരുഭൂമിയിലെ ഒട്ടകത്തെ കാണാനുള്ള ഭാഗ്യമുണ്ടായി. തിരുനെല്ലി ക്ഷേത്രത്തിലേക്കുള്ള പ്രധാന വഴിയിൽ തിരുനെല്ലി എത്തുന്നതിനു പത്തുകിലോമീറ്റർ മുൻപ് കാടിനുള്ളിലേക് കയറിപ്പോയാൽ മാത്രമേ ഒളിഞ്ഞിരിക്കുന്ന ഈ കല്ലമ്പലം കണ്ടുകിട്ടുള്ളു. മുന്നിലെ വഴിയമ്പലം പോലുള്ള കവാടം വഴിയിൽ നിന്നുതന്നെ കാണാം. ഇവിടെ ആദിവാസികൾ ആരാധന നടത്തുന്ന ഒരു വനമൂർത്തി ഉണ്ടെന്ന് നാട്ടുകാർ പറഞ്ഞിരുന്നു.
#Wayanad #Touristplaces #TravelGunia
Негізгі бет രഹസ്യങ്ങളുമായി ഒളിച്ചിരിക്കുന്ന കല്ലമ്പലം 🔥 | Mysterious Stone Temple | TravelGunia | Vlog 85
Пікірлер: 111