Bura Bakının təpədən dırnağa yenilənən köhnə Ramanasıdır. Daşla döşənmiş yollar, təmiz küçələr, qala divarları boyunca uzanan çiçəklər insanı özünə cəlb edir. Buradan təqribən 2 kilometr uzaqlıqda isə Yeni Ramana yerləşir. Amma bu qəsəbənin təkcə adı yeni qalıb.
“Kanalzasiya sistemi yenilənməlidir. Kanalzasiya daşır, küçələrdən üfunət iyi gəlir. Tibb mərkəzi belə yoxdur, demək olar ki. Köhnə Ramanada var, amma burada yoxdur. Biz də istəyərik ki, onların sırasında Yeni Ramananı da görək. Yaxşı görək, inkişafda görək, küçələrin abadlaşmasını görək...”.
“Ramana qəsəbəsində, bundan iki kilometr aralıda yaşayırıq. Amma orada Heydər Əliyev prospektinin ətrafı bərbad gündədir. Nə bir park var, nə insanların yaşantısı üçün, nəfəs alması üçün. Sonra ara yolların, qəsəbənin girəcək hissəsindəki yollar üçün heç bir şey yoxdur. Daha yaxşı olardı ki, bu kəndin ətrafında olan insanlar da bundan faydalansın”.
Köhnə Ramana sakinləri qəsəbənin yeni halından məmnun görünürlər. Görülən işlərlə bağlı kimi dindirsən, minnətdarlıqla ağızdolusu danışmağa başlayır.
Qəsəbənin 73 illik tarixinə şahidlik edən Məmmədhəşim Bağırov bütün köhnə problemlərin həll edildiyini deyir. Ardınca da yenilikləri sadalamağa başlayır.
“Kəndə görə sağ olsunlar, kənd əladır. Asfalt çəkilib, daşlar döşənib. Düzdü, daşlar keyfiyyətsizdi, özüm az qalıb ki, 3-4 dəfə yıxılam. Biri aşağı-biri yuxarı. Ancaq pis deyil. Axşam çıxırsan, baxırsan, işıqlıdı, qəşəng görsənir. İnsanlara, kənd camaatına, yəqin ki, ləzzət eliyir. Futbol stadionu tikiblər sağ olsunlar. Kanalzasiya da çəkiblər, qaz da, işıq da, su da hamısı var”.
Əhməd Ağayev də yaradılan şəraitdən razıdır. Deyir, əvvəllər çox problem yaşasalar da, indi canları rahatdı.
“Belə küçələr yox idi burada. Hamısı asfaltı dağılmış küçələr idi. Maşınlar çətinliklə gedib-gəlirdi. Çox işsiz qalan uşaqlar hamısı o şirkətdə işləyir. İndi bekar adam yoxdu. Sağ olsunlar, hər şəraitimiz var”.
Köhnə Ramana Bakının turizm məqsədilə abadlaşdırılan sayca dördüncü qəsəbəsidir. Bundan əvvəl isə Balaxanı, Bibiheybət və Pirşağı qəsəbələrinin infrastrukturu yenilənmişdi. Dövlətin rəsmi saytında görülən işlərin prezidentin tapşırığına əsasən aparıldığı deyilsə də, bu barədə hər hansı rəsmi qərardan söz açılmır. Lakin Prezident İlham Əliyev Balaxanı qəsəbəsinə səfərində abadlıq işlərinin davam etdiriləcəyini bildirib.
Bu siyahıya daxil olmayan Yeni Ramananın sakinləri isə öz qəsəbələrinin də abadlaşdırılacağı günün həsrətindədirlər.
Bakı Abadlıq Xidmətindən Meydan TV-nin sorğusuna cavab verilməyib.
Bakının daha 5 qəsəbəsinin - Buzovna, Novxanı, Əmircan, Maştağa və Mərdəkanın yenilənməsi nəzərdə tutulur. Digər 50 qəsəbənin gələcəyi ilə bağlı isə hələlik danışılmır.
Kanala abunə ol - goo.gl/TcM9Fm
Bizə maddi dəstək ol cutt.ly/destek
WebSite: www.meydan.tv
Facebook: fb.com/MeydanTe...
Twitter: / meydantv
Google+ plus.google.co...
İnstagram: / meydantv
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277
Негізгі бет Ramana qəsəbəsinin iki üzü
Пікірлер: 16