RAMAZON TUHFASI - RO'ZA TUTISH QONUN QOIDALARI // РАМАЗОН ТУХФАСИ - РЎЗА ТУТИШ ҚОНУН ҚОИДАЛАРИ.
Ezgulik Hidoyat Diniy ma'rifiy ko'rsatuvi.
© Baxodirjon Maxsudov TV 2022 yil
Ro‘za tutish qoidalarini bilasizmi?
Muqaddas Ramazon oyi ham kirib keldi. Bu oy o‘zi bilan tinchlik-omonlik, qut-baraka, fayz va go‘zallik olib keladi. Ramazon ro‘zasini tutishning ham bir qancha qoidalari borki, uni ado etish barobarida savob va yaxshilik olinsa, ikkinchidan Muqaddas oyning hurmati ham joyiga qo‘yiladi.
Saharlik
Ro‘za lug‘atda - “siyom” deb atalib, o‘zini bir narsadan tiyishni bildiradi. Shariat istilohida esa: “Tong otgandan to quyosh botgunicha niyat bilan ro‘zani buzuvchi narsalardan o‘zini tiyishdir”.
Subhi sodiq kirishi bilan saharlik vaqti tugab, ro‘za vaqti boshlanadi. Ikkisining o‘rtasini ajratib turadigan uchinchi bir vaqt yo‘q. Saharlik o‘z vaqtida bo‘lgani afzal. Lekin subhi sodiq kirgan-kirmagani borasida ikkilanadigan darajada kechiktirish makruh. Ro‘za tutish niyatsiz bo‘lmaydi, albatta, niyat qilinib, saharlik duosi o‘qilishi lozim.
Mavzuga oid: Ro‘zadorning ro‘zasini buzmaydigan amallar
Mavzuga oid: Ramazon oyida o‘zingizni sog‘lom his qilishingiz uchun 10ta foydali maslahat
Og‘iz yopish duosi quyidagicha: “Navaytu an asuma sovma shahri ramazona minal fajri ilal mag‘ribi, xolisan lillahi ta'ala. Allohu akbar”.
Iftorlik va taroveh
Iftorlik ham, albatta, niyat va duo ila qilinadi. Iftorlik (og‘iz ochish) duosi: “Allohumma laka sumtu va bika amantu va a'layka tavakkaltu va a'la rizqika aftartu, fag‘firli ya g‘offaruma qoddamtu va ma axxortu birohmatika ya arhamar rohimiyn, Allohu akbar”.
Ana shu duo ila ro‘zador og‘zini ochadi, halol taomlar bilan taomlanadi. Ovqatlanishda shoshma-shosharlikka yo‘l qo‘yilmaydi. Chunki bu holat mo‘min odobiga to‘g‘ri kelmasligi bilan birga salomatlikka ham zararlidir. Shundan so‘ng taroveh namoziga chiqiladi.
Ro‘zadorning odoblari
Kim ro‘za tutib, Allohning ibodatini amalga oshirsa, u o‘zini boshqalarga o‘rnak bo‘lishi uchun ham odobli, bosiq va xushmuomala tutishi lozim. Ro‘zadorning tilidan har xil keraksiz gaplar chiqmasligi, ro‘za tutgan kishi g‘iybat, chaqimchilik kabi ishlardan uzoq bo‘lishi, haqoratli gap-so‘zlarni, umuman, gapirmasligi lozim. O‘zga ro‘zadorlarni ham hurmat qilishi, ularga shirin so‘zlashi, mushkullarini oson qilib berishi kerak.
Rasululloh sollallohu alayhi va sallam dedilar: «Ro‘za va Qur'on qiyomat kunida banda uchun shafoat so‘raydilar. Ro‘za: «Robbim, men uni taom va maylliklardan to‘sdim, mening u haqidagi shafoatimni qabul qil!», deydi. Qur'on: «Men uni tunlari uyqudan to‘sdim, mening u haqidagi shafoatimni qabul qil!», deydi. Shundan so‘ng ularning shafoatlari qabul qilinadi» (Imom Ahmad rivoyati).
Ramazon oyida ro‘za tutmaslik oqibati
Abdulloh ibn Mas'ud roziyallohu anhu dedi: «Rasululloh sollallohu alayhi va sallam dedilar: «Islomning asosi va dinning poydevori uchta bo‘lib, ular ustiga Islom tiklangan. (Ular): «Allohdan o‘zga iloh yo‘q» deb guvohlik berish, farz qilingan namozlar va Ramazon oyining ro‘zasi» (Abu Ya'lo, Daylamiy va imom Zaxabiy rivoyatlari).
#ramazonsuhbatlari #ramadan #ramazanmubarak #islomnuri #yaxshiliksari #iymonuz #ruxsortv #azontv #hayrulloyoldashev #baxodirjonmaxsudov #navruzmagripov #imon
Негізгі бет RAMAZON TUHFASI - RO'ZA TUTISH QONUN QOIDALARI // РАМАЗОН ТУХФАСИ - РЎЗА ТУТИШ ҚОНУН ҚОИДАЛАРИ. 2022
Пікірлер: 12