#kamranmyunis #kamranyunis #ramizrövşən #eminsabitoğlu
#şeirlər #poeziyateatrı #sevgişeirləri #şiirler #poeziya
Ramiz Rövşən - Səni sənsiz sevmək
Bəstəkar - Emin Sabitoğlu - "Özgə ömür" filmindən musiqi
Səni sənsiz sevmək daha asandı,
Ən isti yataqda sənsiz üşümək,
Səni arzulamaq, səni düşünmək,
Səni sənsiz sevmək daha asandı.
Bəs səni özünlə sevmək necədi?
Nazınla, sözünlə, umu-küsünlə,
Çatılmış qaşınla, ağlar gözünlə,
Turşumuş üzünlə sevmək necədi?
Hərdən səndən bezib, günlər uzunu
Səni küsdürərək sevmək necədi?
Sonra bir öpüşlə yumub ağzını,
Səni susduraraq sevmək necədi?
Sənsiz lap darıxıb, görəndə yenə
Dalaşa-dalaşa sevmək necədi?
Qəflətən qollarım sənin belinə
Dolaşa-dolaşa sevmək necədi?
"Səni sənsiz sevmək" boş sözdü,
boş söz,
Korun gözündəki eynək kimidi.
Səni sənsiz sevmək-
gülü ətirsiz,
Çırağı işıqsız sevmək kimidi.
Негізгі бет Фильм және анимация Ramiz Rövşən - Səni sənsiz sevmək - Kamran M. YuniS
Пікірлер: 23