من قتل أسمهان؟
هل وفاتها كانت قضاء وقدر
ولا كانت عمليه مدبره
اتقال ان وجودها بيهدد عرش ام كلثوم ا واتقال كمان انها اتقتلت لما اتعاونت مع المخابرات الالمانيه الانجليزيه....
اسمهان على اد الشهره اللى حققتها فى وقت قصير فى حياتها الا انت نهايتها ووفاتها سابت لغز كبير محدش قدر يحله لحد دلوقتى
كلام كتير وقصص اكتر ظهرت واتقالت بعد وفاتها
فى سنه 1937 وصلت اسمهان لمصر مع عيلتهاعشان تبدأ رحلتها مع النجوميه ..
ودخلت اسمهان عالم السينما سنه 1941 مع اخوها فريد الاطرش فى فيلم انتصار الشباب
وكمان كانت بتغنى معاه اغانى الفيلم
فى وقت تصوير الفيلم اتعرفت على المخرج على بدرخان واتجوزته بس جوازهم مستمرش كتير
وفى سنه 1944 مثلت اسمهان فى فيلمها الثانى والاخر غرام وانتقام بس ماتت قبل متكمله
طيب ازاى حصلت وفاة اسمهان
اسمهان كانت حالتها النفسيه مش كويسه بسبب خلافات مع جوزها احمد سالم عشان كدا قررت انها تسافر راس البر
وكانت وقتها مفهاش الرفاهيه والاماكنيات الموجوده دلوقتى اسمهان وجهزت نفسها للسفرومكنتش تعرف ان دى نهايتها
يوسف وهبي واللى كان منتج فيلمها غرام وانتقام الح عليها ونصحها عشان متسافرش وكان مسافر هو ومراته للاسكندريه وقالها تروح معاهم بس اسمهان رفضت لدرجه انه حاول يشوه صورة راس البر بس هى كانت متمسكه جدا بالسفر واكدت عليه انها مش هتقدر ترفض طلب صاحبتها وتحرجها
الساعه 10 الصبح يوم الجمعه 14 /يوليو 1944،
كانت اسمهان معاها صاحبتها مارى قلاده ومشتين بالعربيه على عالطريق الزراعى فى طريقهم لراس البر وكان فيه اصلاحات
وبدون اى مقدمات العربيه انحرفرت ووقعت فى ترعه الساحل ووغرقت اسمهان ومارى قلاده لان العربيه كانت مقفوله ومقدروش يفتحوا باب العربيه ويخرجوا
والسواق محصلهوش اى حاجه وفتح الباب فى الترعه وطلع على سقف العربيه وهرب ولحد اللحظة دى محدش يعرف عنه اى حاجه
ودى علامه استفاهم كبيره قوى
واول فنانه وصلت لمكان الحادث كانت تحته كاريوكا اللى كانت منهاره جدا
الغريب بقه ان فى اصدقاء مقريبن من اسمهان قالوا انها كانت بتقول انها حاسه
إنها بنت موت وإنها هتموت بدرى.
واكد اخوها فريد الاطرش
ومره قابلت عراف وقالها انتى هتموتى غرقانه ، والغريب أنها كانت عايزه تسافر بالقطاربس ملقتش مكان فاضظرت انها تسافر بالعربيه .
طيب هل اسمهان اتقتلت ولا ماتت قضاء وقدر
كلام كتير قوى اتقال من وقت وفاه اسمهان لحددولقتى هقولكم المعلومات اللى اعرفها وانتوا فكروا هل اتقلت ولا وفاتها قضاء وقدر بس انا بقول انها اتقتلت
للاسباب كتير قوى
السبب لاولانى اهل اسمهان ومنهم اخوها فريد الاطرش رفض انها تتشرح عشان يتعرف السبب الحقيقى للوفاه وقال انه مش هيشرح بسبب اوامر عليا جتله ودا بياكد الكلام اللى اتقال من اهل البلد اللى حضروا الحادثه واللى اكدوا انها مماتتش بسبب الغرق و انها خدت رصاصه قبل متنزل فى الترعه وكمان اتقال ان الترعه مكنتش بالعمق الكبير اللى يخليهم يغرقوا بدليل السواق اللى عرف يخرج من العربيه ويهرب عادى
ويختفى ومحدش يعرف له مكان بعدها
كمان قبل الحادثه بساعه اتقطع الطريق وكان بيتعمل فيه شويه اصلاحات بشكل مفاجى عشان يجبرالعربيه انها تمشي جنب حرف الترعه عشان يبقى سهل انه يقع فييها
طيب مين اللى قتلها
طبعا مش هنقدر نقول مين
الاتهام محتاج دليل قاطع مفهوش اى زره شك
اشاعات كتير اتقالت وكلام كتير اتقال على اكتر من حد ليه مصلحه انه يموتها منها مثلا جوزها
المخرج احمد سالم اللى قبل وفاتها بيوم واحد بس ضربها بالرصاص بس الرصاصه مجتش فيها
ونجت اسمهان باعجوبه
الملك فاروق لأن أسمهان تعرف حاجات كتير عنه وكانت بتنشر فضايح خاصه بوالدته الملكه نازلى
قالوا كمان اللى قتلها بزوجها الأول وابن عمها الأمير «حسن الأطرش» الذى كسرت قلبه، وأصرت على الطلاق منه فطلقها، ولكنه لم ينس حبه لها، ولم ينس الإهانة ولا الجراح، ولم ينس أيضا أنهاأساءت بتصرفاتها لعائلة الأطرش وللدروز،
قالوا المخابرات
لانالمخابرات البريطانية جندتها فى اخر أيامها، وكمان لانها كانت عميله فى المخابرات الالمانيه وقالك لا ولا دول ولا دل دا الفرنسين يعنى من الاخر اسمهان دخلت عش الدبابير برجليها ومعرفتش تخرج منه
السابق بالإخوان «ثروت الخرباوي» مفاجأة من العيار الثقيل،
أن جماعة الإخوان المسلمين هى الى قتلت أسمهان باوامر من مؤسس الجماعة حسن البنا، لانهم كانوا بيعتبروها كافره ودمها محلل بسبب سوء اشتغالها بالفن
نيجى بقه للنقطه المهمه وهو
اتهام ام كلثوم
قالك بقه بس ام كلثوم هى اللى قتلت اسمهان هى صحبه المصلحه الاولى فى اخفاءها ام كلثوم كانت اهم صوت فى مصر فى الوقت دا واسمهان جت وغطت علىها بشكل جزئي وكمان اسمها ابتدى يلمع لا كمان اسمهان عندها مميزات كتير مش موجوده عند ام كلثوم زى مثلا انها كانت جميله جدا وكمان صوتها بيجمع بين القوه والرقه وكمان ابتدى كبار الملحنين الاهتمام باسمهان وكمان
وفى اولهم محمد عبد الوهاب اللى بدا يلحنلها
" اوبريت مجنون ليلى لأمير الشعراء بصوته وصوت أسمهان ".
كل الكللام دا خلى الناس تقول بس يبقى ام كلثوم هى اللى قتلها وعلى فكره الكلام دا مطلعش بعد مقتل او وفاه اسمهان علطول دا لا دا بعدها ب اكتر من سنه
بس الحقيقه انا مش شايف ان الكلام دا فيه اى شى من الصح والا كانت ام كلثوم وعبد الحليم قتلوا اى موهبه جديده طالعه ممكن انها تغطى عليهم
بس اعتقد اللى قتل اسمهان نفسه هو اللى طلع الاشاعات دى
واللى اتصدى للاشاعاات دى مش ام كلثوم نفسها لا اصدقائها
زى تحيه كاريوكا
موقف غريب ومش مفهموم عمله يوسف وهبى بعد وفاة اسمهان
يوسف شاهين عمل اغرب حاجه فى تاريخ السينما المصريه وقرر انه
تعديل نهايه فيلم غرام وانتقام عشان تبقى نهايه حزينه
بدل من النهايه السعيده اللى كانت مقرره
وظهر جثمان اسمهان الحقيقى فى نهايه الفيلم
#ام_كلثوم
#اسمهان
#فريد_الاطرش
#من_قتل_اسمهان
Негізгі бет ضربت بالرصاص قبل الغرق .. حكايات غريبة تؤكد مقتل اسمهان وهل دبرت ام كلثوم الحادث
No video
Пікірлер: 530