Халықаралық балалар күні - ең көне халықаралық мерекелердің бірі. Оны атап өту шешімі 1925 жылы Женевада балалар мәселелеріне арналған Дүниежүзілік конференцияда қабылданды.
1 маусым күні Сайрам аудандық «Оқушылар үйі»МҚКК үйірме жетекшілері мен шәкірттерінің ұйымдастыруымен мекеме алаңында Халықаралық балаларды қорғау күніне орай мерекелік іс - шаралар болып өтті. Аталмыш шараның мақсаты- балалардың денсаулығын нығайтып, әртүрлі іс-шаралар арқылы ойлау қабілеті мен шығармашылығын дамытып, оқушыларды үздіксіз еңбектенуге, отансүйгіштікке, адамгершілікке, мәдениеттілікке тәрбиелеп, спорттық ойындар арқылы салауатты өмір салтын ұстануға ықпал ету.
100-ден аса бала жиналған іс-шара бүлдіршіндердің көңілін көтеріп,белсенділік танытқан шәкірттерді марапаттаумен басталды. Мекеме директоры Венера Якупова қатысушылардың барлығын құттықтап,мақтау қағаздарымен марапаттады.Үйірме жетекшілері оқушыларды түрлі театрландырылған костюмдерде қарсы алып,флешмоб билетіп,«Көңілді старт" спорттық эстафеталық ойын-сайыстарынан бақ сынаумен жалғасын тапты. Демеушілердің арнайы балаларға арналған базарлығы ,балдай тәтті балмұздақ таратылды.
Негізгі бет Ойын-сауық Репортаж 1 маусым күніне орай
Пікірлер