Қазақстан екі мемлекетті бейбітшілікке шақырып жатқанда, Харьков қаласындағы орталық алаңға зымыран түсіп алаңның астан-кестеңіі шықты. Соның салдарынан ондаған адам зардап шекті деген Владимир Зеленский, осыдан кейін бәрі өзгерді дейді. Ол, халықаралық ұйымдарды Ресейдің бұл әрекетін мемлекеттік терроризм деп тануға шақырды. Ал, қалада бомба жарылып, көшеде жүру қауіпті болғандықтан тұрғындар жертөлеге түнеп жүр. Дүкен алдындағы кезек бір шақырымға дейін созылған. Қазірдің өзінде азық-түлік тапшылығы туындап жатыр деген адамдар арнамызға видеолар жолдап жатыр. Ресей тарапы әскери операциясын тоқтата ма? Украинаға қандай мемлекеттер көмектесіп жатыр? Өмір Серікбекұлы жалғастырады.
Ольга бесінші күн қуықтай ғана жертөледе жеті отбасымен бірге түнеп жүр. Көрпелерін әкеп үлгермегендер теледидардың тақтайдай қатты картонына жатқанын айтады. Араларында 1 жарым, 4 және 7 жастағы балалар да бар дейді. Әуеден қауіп төніп, дабыл қағылған кезде далаға шығуға болмайды деген ескертуден кейін қамалып отырғандар әлі күнге дейін сиренанының дыбысын жиі естиді екен.
ОЛЬГА, Киев қаласының тұрғыны:
- Ресей осылай бірден шабуыл жасайды деп ешкім ойламады. Тұрғындар мұндай қақтығысқа дайын болған жоқпыз. Алдын ала азық-түлік алып үлгермегендіктен, дүкендегі жеуге келетін заттарды сатып алып жатырмыз.
Болгария, Польша және Словакия мемлекеттері Украинаға әскерлерін жібермесе де, көмек ретінде әскери ұшақтарын жөнелтпек. Ал, Австралия болса құны 50 миллион доллар болатын қару-жарақ жіберді. Ресейдің «әскери операция» деп, көршісінің шекарасын бұзып кірді деген Мастеркард компаниясы төлем жүйесін бұғаттап тастады. Донбаста Украинаны демилитаризациялау және қарусыздандыру мақсатында осындай әрекетке барғанын айтқан Владимир Путиннің өз ұстанымы бар. Франция президентімен телефон арқылы сөйлескенде, әскери операцияның жоспары орындалып, Қырымның тәуелсіздігі мойындалған кезде ғана жағдай тұрақталады деді. Ал Украина тарабы Ресей шабуылдарды тоқтатып, елден әскерлерін толық шығаруды талап еткен еді. Ал Украина басшысы Владимир Зеленский кезекті видеоүндеу жолдап, бейбіт тұрғындардың өмірі Ресейдің мойнында дейді.
ВЛАДИМИР ЗЕЛЕНСКИЙ, Украина президенті:
- Украинаның ірі қалалары қоршауға алынды. Бірақ, біз соңына дейін қорғанамыз. Өзге мемлекеттер Ресей ұшақтарына өз әуе кеңістігінен өтуге рұқсат бермеуге шақырамын.
Осы күні, 350 мыңға жуық босқын Украинадан Польшаға қарай өткен. Бар-жоғы 24 сағаттың ішінде 100 мың адам шекара асқан екен. Айта кетейін, Украина президенті кеше Еуро Одаққа мүшелік ету туралы өтінішке қол қойған болатын. Аталған құжат тіркеліп, Украинаны одаққа қосу мәселесі қарастырылып жатыр.
#Россия #Украина #Война #Путин #Зеленский #Соғыс #Бомба #Ресей
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#алматы #ахуал #казахстан #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
Негізгі бет Ресей-Украина шиеленісі
Пікірлер: 422