ازاي تعرفي السيكوباتي وتفرقي بينه وبين النرجسي ؟
١- السيكوباتي عنده غرور مبالغ فيه وشايف ان محدش زيه وهو الأفضل في كل شيء ولايمكن استبداله ونظرته للعالم في قمة الانانية (مشترك مع النرجسي في التعاظم والشعور بالعظمة) شايف ان القوانين دي مش له دي للناس الاغبياء اللي مبيعرفوش يتحايلوا عليها ، يعني غرور + عدم تحمل مسئولية الأخطاء = سيكوباتية
٢- فوضى سلوكية يعني ايه ؟ يعني ممكن يعرض نفسه واللي معاه للخطر بسبب رغبات اندفاعية زي السواقة الخطر او السباحة في مناطق خطر وممنوع النزول فيها ، ركوب البحر في العواصف (وهنا عكس النرجسي لان النرجسي جبان جدا وبيخاف على عمره ) ، السيكوباتي عنده عقل مفكر ومنطقي جدا ويعتبروا اذكياء معظمهم ، الا انه معندوش قدرة على التحكم في تصرفاته خصوصا في وقت الغضب ودة سببه انه مش بيخاف من العقاب فايه اللي حيحجم تصرفاته (ودي برضه عكس النرجسي لان النرجسي بيخاف من العقاب )
٣- استخدام الكلام : السيكوباتي بيستخدم الكلام بشكل غير مباشر وبيتلاعب بالكلمات وكلامه يحمل معاني كتيرة عشان يلخبط اللي ادامه ويحصل على مصلحة مادية او أي منفعة ( النرجسي كمان بيتلاعب بالكلام لكن عشان يكسب حب اللي ادامه او احترامه يعني بيلعب ع المشاعر واللي بيها بيقدر ياخد اللي هو عايزه برضه )
٤- وصولي ، الغاية تبرر الوسيلة ، يعمل أي حاجة ويؤذي أي حدعشان ياخد مصلحة ممكن يسرقك ويسرق طاقتك ووقتك أي حاجة تصب في مصلحته ( متفق مع النرجسي )
٥- السيكوباتي فيه حاجة غريبة شوية ، مش بيقرف من الروائح الكريهة ولا المناظر المقززة ، ومش بيخاف ولا عنده أي مشاعر سلبية (عكس النرجسي ) مبيحصلش عنده إحساس بالإحباط ولا القلق وطبعا قطعا مفيش إحساس بالذنب وبارد برود متناهي يعني يعمل جريمة بمنتهى الدقة والهدوء وعادي يقعد ياكل فوق الجثة مش جنبها ، (طبعا كل دة مش موجود عند النرجسي )
٦- دايما بيدي تعبيرات مناقضة للموقف ومعاكسة للتعبيرات المتوقعة او بمعنى اصح للمشاعر المتوقعة ، يعني مثلا لوسمع قصة محزنة ممكن يضحك ، وممكن يضحك لما يكون عايز يبكي ، وغالبا دة بسبب انه عنده خلل في منطقة المشاعر في المخ هي اللي بتسبب الكلام دة (ودة برضه مش موجود عند النرجسي )
٧- لما يتعامل معاكي ميعرفش يديكي اهتمام وانتيب تتكلمي وتلاقية بيبص على فمك ليه لان دة مصدر المعلومات فهو دة اللي يهمه ( اما النرجسي فمش بيبص ناحيتك أصلا ) لكن الاتنين معندهمش تواصل بصري ، يعني ميحبوش وميقدروش يبصوا لك في عينك ، وحتى النرجسي في اللافبمبينج لما بيمثل الهيام ويبص في عينك بتحسي ان نظراته باردة وفيك حالات كتير قالوا انهم بيحسوا انها نظرة مش طبيعية مش صادقة
٨- السيكوباتي معندوش حساسية للنقد زي النرجسي ، وكمان معندوش الحسد الفظيع اللي عند النرجسي ودة لانه أصلا مفيش مشاعر لاسلبية ولا إيجابية
٩- طبعا بيتفق مع النرجسي في الكذب المرضي وان اختلفت الأسباب عند كل واحد يعني النرجسي بيكدب عشان يبان كويس ويحصل على الرضا من الناس والمجتمع او يكدب عشان يتلاعب بمشاعرك اما السيكوباتي فبيكدب عشان ياخد مصلحة ومنفعة مادية
١٠- النرجسي والسيكوباتي بيسعوا للنجاح والثروة ، وهم الاتنين بيحبوا يكشفوا أخطاء الاخرين لان انتيب تغلطي فدة معناه انه احسن منك ، هو كدة حتى لو هو بيغلط نفس الغلطة ، الاتنين كمان متناقضين مع نفسهم بيقولوا الكلام وعكسه واحيانا ميكونش حاسس انه متناقض مع نفسه لان آراؤه اندفاعية ومؤقتة
اكونت الفيس بوك
www.facebook.c...
جروب ادرس عدوك النرجسي
/ kawthersanad11
Негізгі бет اعرفي اذا زوجك سيكوباتي ولا نرجسي ؟ وايه الفرق بينهم ؟ .... كوثر سند
Пікірлер: 198