الفرق في التفكير بين النرجسي الظاهر والخفي
اكيد لما تفهمي اللي ادامك بيفكر ازاي حتعرفي مداخله ومفاتيحه وحتعرفي تفسري تصرفاته وحتقدري تفهمي انه مش مشكلته معاكي انتي شخصيا لا هو مشكلته مع نفسه هو ودة حيساعدك انك متتهزيش ومتحسيش ان العيب فيكي وكمان حيرجع لك ثقتك في نفسك اللي هو دمرها لانك كدة مش حتصدقي اي حاجة وحشة يحاول يزرعها جواكي عن نفسك عشان يضعفك ويسيطر عليكي
حقولك امثلة تفهمي منها دة بيفكر ازاي ودة بيفكر ازاي وانتي بناء على نوع زوجك حتعرفي طريقة تفكيره عشان تقدري تتغلبي عليه :
١- اذا حد عجبه وعايز يرتبط بيه ايه اللي بيقوله في مخه ؟
الظاهر بيفكر ان الشخص دة حيحبني ومش حيصدني واكيد مشفش حد مثير للاعجاب زيي والموضوع اكيد حيتم هو اصلا ماحيصدق
الخفي حيفكر انه اذا محبنيش يبقى هو اللي فيه حاجة غلط انا استحق انه يحبني وهو كل اللي عرفهم فشلة وانا مش فاشل انا احسن حد والمفروض اني اتحب
٢- اذا الشخص دة رفضه ورفض يدخل معاه في علاقة :
الظاهر حيفكر ازاي؟ حيكون واثق من نفسه وحيتقبل الرفض (داخليا يعني مش حيحس بانتقاص لنفسه لكن حيعتبر ان الشخص اللي رفضه عنه مشكلة )حيفكر ان الشخص دة عنده خلل في الحكم على الامور والناس ، انا مبسوط انه رفضني لاني على اي حال مش عايز اكون معاه اكيد حلاقي حد احسن منه او انا حعرف انتقم منه وكل الناس حتعرف اني اخدت حقي ، او ححاول معاه تاني لما يعرف انا مين ، وهو فعلا بيحاول تاني وممكن يوصل لاقناع الشخص دة بالارتباط بيه ، وكمان النرجسي الظاهر معندوش مشكلة انه الناس تعرف انه انتقم ومش مهم عنده هم حيقولوا ايه عليه
الخفي طبعا ضعيف الثقة بالنفس وبيكون تفكيره ، انا مش قادر استوعب الشخص دة اد ايه سيء وغبي و مش فاهم ليه بيكرهني كدة ، هو / هي مش من حقه يرفضني ، انا حعرف انتقم منه ومحدش حيعرف اني انا اللي اذيته ، وانا عمري ما حفكر فيه تاني ، الخفي مش عايز حد يعرف انه انتقم عشان صورته وهو كمان مش مهتم انك تعرفي انه انتقم المهم انه يشوفك بتعاني
٣- لما تبدأي تقاومي الاعيب النرجسي ، زي الجاس لايتسنج وقلب الترابيزة والمحادثات الدائرية والصمت العقابي
النرجسي الظاهر حيفكر انك اتغيرتي للاسوأ ويقول مش دي اللي انا عرفتها واتجوزتها والمفروض انها تفهم انها محظوظة اني في حياتها انا مش مستوعب ازاي بتحاول تبعدني عنها هي اصبحت متعجرفة وعدوانية
الخفي حيكون تفكيره انك بتخططي تسيبيه ويقول لنفسه هي فاكرة انها حتلاقي احسن مني ، هي بقت تكرهني ، هي عمرها ماحبتني اصلا
٤- لما يفكر يخونك
الظاهر بيقول في نفسه انا استحق اني اكون سعيد وهي مش جيدة كفاية ومش قادرة تسعدني و الجديدة دي هي اللي حتخليني سعيد وهي اللي من مستوايا وهي اللي حتفهمني وتقدرني ، وعلي اي حال زوجتي مازالت محظوظة انها لسة على متي ، وهي علي اي حال حتتخطى الموقف وتتجاوزه ، انا عارف انها حتكون محبطة بس كان لازم تعمل مجهود اكتر عشان تتجنب حصول دة كان لازم تكون جذابة اكتر وتجتهد اكتر عشان تحافظ عليا (بصراحة مستفز)
الخفي اسوأ بقي بكتير واكتر استفزاز بيقول ايه في نفسه ؟ الضحية الجديدة فاهماني وساندتني ووقفت جنبي وبتعتني بي وبتراعيني ( وهو عارفة امبارح مثلا ) ، اتمني ان زوجتي تحس بالالم اللي حطتني فيه ، اتمني تحس بالاخطاء اللي عملتها في علاقتنا ، اتمني انها تكون ادركت اد ايه مقدرتش تفهمني وتقدرني وتقدر اد ايه انا انسان عظيم ، انا فاهم انها محبطة ، بس هي السبب واللي حصل حصل بسبب الطريقة اللي عاملتني بيها
٥- لو اترقى او وصل لانجاز كويس في شغله او تجارته
الظاهر حيكون تفكيره : اصلا مش قادر اصدق انها اتأخرت كدة ، انا اصلا جاهز لها من سنين ، ودي مش مفاجأة انا توقعتها من زمان ودلوقتي اقدر اوري اللي شكوا في قدراتي وادفعهم التمن ، وحخلي الكل يحكي عن نجاحي وانجازاتي ، ودلوقتي لازم افكر حوصل ازاي للكرسي اللي بعده او المنصب
الخفي بيكون تفكيره : عظيم بس ممكن يكون مؤقت ، اذا الناس فاهمة اني سعيد بالمنصب دة فهم مش فاهمين انا عظيم اد ايه يعني مش دة المنصب اللي يفرحني (هو عايز يكون السلطان ) انا مش عارف ازاي ححمي الانجاز دة واحافظ عليه ومفقدوش ، طبعا منتهى السلبية عكس الظاهر بيدور على اللي بعده ودة خايف يفقده
اكونت الفيس بوك
www.facebook.c...
جروب ادرس عدوك النرجسي
/ kawthersanad11
Негізгі бет اعرفي ازاي تفرقي بين النرجسي الظاهر والنرجسي الخفي من خلال طرق تفكيرهم المختلفة . كوثر سند
No video
Пікірлер: 118