تابع القناة الرسمية للمنشد نياف ليصلك كل ماهو جديد
shorturl.at/ruFPY
الاعمال حصريه هنا وعرضها يعرضك لايقاف القناة
. تابع القناة الرسمية للمنشد نياف ليصلك كل ماهو جديد
.
/ @nayafturke
الاعمال حصريه هنا وعرضها يعرضك لايقاف القناة
لإستماع العمل على كافة المنصات الموسيقية
NayfAlturkey.l...
رمش العين
كلمات : شقير الجذع
أداء: نياف تركي
هندسة صوتيه : م.ناصر الشيباني
تصميم : مميز للمونتاج
الكلمات
الا ياغزال ٍ فوق خـده رمـوش ٍ سـود
مظاليل رمشـه ضافيـات ٍعلـى خـده
على خدٍ ابيض مع بياضـه حمـار اورود
لاشافهـا راعـي الهـوى يلّعـن جـده
اليا شاف رمش العين والاشقـر المرجـود
تقول الدروب الواسعـه عنـه منسـده
اليا راح عود كن عنه الفضـاء مسـدود
جداه الونين وصفـق يـده علـى يـده
يضّيع كـلام العقـل ويضّيـع المنقـود
من الهرج ماعـنـده لا هـاتــه ولا وده
يعد النجـوم الساهـره والعبـاد رقـود
ويرفعله الهاجـوس ضغطـه اليـا حـده
ولا ياحمام الورق زيـدي وانـا بـازود
اليا جبتي اول صوت منـي خـذي رده
تنوحين طربانه اليـا هـز ريشـك نـود
وانا هزني حـبٍ صميـم الحشـا قـده
ولا ياحمامـه حـددي للونيـن حـدود
ترا انكان طولتيـه طـولت انـا مــده
اجاوبك وجاوب خلوجٍ ٍ تبـي المفـرود
سروبه على الي فـوق ماطولـوا شـده
سروبه غروب الشمس ومعارضه نفود
يحده عكـاش الحـزم للعـرق ويحـده
على الجيب الاشهب سايقه شايب ٍ عسرود
معودته ايـام الشدايـد علـى الشـده
يحوفه يبي يمكنبه السـوق عـودك عـود
يبيلـه مقاضـي والمواتـر تبـي عـده
يبي البن والهيل الخضـر والتمـر والعـود
مواريث ابوه الـي ورثهـا علـى جـده
يبي الجاوي الاصلي ويبغى مـن الكمبـود
ويبي الي اليا حطه على الجمـر لـه نـده
سرى بالحوار وكبـه الشايـب المقـرود
جبرته ظـروف الوقـت ولا ماهـو وده
ولدها خيار وهي بعد من خيـار الـذود
تجر الحنيـن ودربهـا تلتفـت قـده
وبعد جا معود جت تروّح ثيـاب العـود
وتهايق على الصنـدوق بالـراس وتمـده
تبارى عبايرهـا علـى الخـد يامعبـود
وتشم الحبال الـي علـى البـدي ممتـده
ولقت شي من ريحه على ربـوة المعقـود
وقامت تحجر الجيب مـن قـدم وتـرده
وجاضة وجضة جضة الجايـع المطـرود
تحسب الشجر بحساب الادبـاش وتعـده
وانا مثلها وجدي على صاحبـي وجـود
وجود الغني الـي ضـواه الفقـر ضـده
بعد كان يملـكله عمايـر جـدد ونقـود
سحقـه الله الـي يبنـي العـز ويهـده
رماها بالاسهم يحسب ان السهوم تـزود
وسرى والمؤشـر بالحمر يتجـه قـده
ودخل للمدير وقال تكفـى يابـو مجـود
ابي راس مالـي لـو نقـص شي مـن عـده
وقال انتهت لو جيت اعيـده ماعـاد يعـود
حسابٍ خذته البورصه كيـف ابـارده
جميع الحقوق محفوظه لدى القناه الرسميه للفنان نياف تركي .
.
#نياف_تركي
توزيع ديجيتال قنوات ميوزك
__________________________________________________
TikTok : shorturl.at/mCE36 : تيكتوك
Snapchat : shorturl.at/gjEO5 : سناب شات
X (Twitter) : shorturl.at/lzEK7 : تويتر
Негізгі бет رمش العين نياف تركي حصرياً 2022
No video
Пікірлер: 258