Radyo Natin Nationwide LIVE Report: DISTRESSED OFW SA SAUDI ARABIA NA TAGA-GUIMBA NA IBINENTA NG AMO SA IBA AT SAMPUNG BUWANG WALANG SUWELDO, PAUWI NA NG PILIPINAS
#RNNReport ni Lea Valdez ng Radyo Natin Guimba kasama sina Angelo Palmones at Cheska San Diego Bobadilla | 25 July 2024
Detalye:
Isa na namang distressed OFW galing ng Saudi Arabia ang pauwi ngayon sa Pilipinas na residente ng Sta. Veronica District, Guimba, Nueva Ecija.
Sampung (10) buwan nang walang trabaho si Susan Entico Liwanag, 47 años na natengga sa accomodation ng agency nito, at ang dahilan hindi nasunod ang kontrata.
Ayon kay Susan, pagdating sa Jeddah Saudi Arabia, ilang araw pa lang ay ibinenta na siya ng kanyang amo sa iba.
Wala rin sa kontrata na 7 ang kanyang pagsisilbihan bilang household worker.
All around ang trabaho bukod pa sa pag-aalaga ng 2 bata, walang pahinga araw at gabi na siyang nagdulot ng depresyon sa kanya kung kayat nakiusap siya sa amo na ibalik na lang siya sa agency nito, ang Jed Jewelries Recruitment Agency sa Jeddah.
Humingi ng tulong si Susan sa support group ng Radyo Natin Guimba na tumutulong sa mga distressed OFWs kung saan naipaabot ang kanyang reklamo sa Department of Migrant Workers.
Sa takot ng agency nang maireklamo ito, nangako na kaagad na aaksyunan para sa repatriation nito na sagot nila ang plane ticket.
Pinapa-delete din ng may ari ng Agency ang kanyang reklamo at radio interview sa Radyo Natin Guimba pero hindi ito nangyari.
Naidulog din ni Susan sa POLO-OWWA ang kaso pero hindi nakipagcooperate ang employer para sana makuha ang hindi nabayarang sahod.
Nagpapasalamat ito sa mga tumulong sa kanya, at kahit wala siyang perang maiuuwi basta't makasama lamang niya ang kanyang dalawang anak na pawang mga nasa elementarya pa at ang kanyang pamilya.
Darating si Susan ngayong araw ng Huwebes, July 25, 2024 sa Ninoy Aquino International Airport Terminal 1 sakay ng Philippine Airlines.
PANUORIN ang buong episode ng programa sa link na ito: 🔗www.facebook.c...
#RadyoNatin #RadyoNatinNationwide
#SamaSamaTayoPilipino #RNG1053 #DWTC1053FM #RadyoNatinGuimba #RN35 #MBC #MBCMediaGroup #KBP #KBPNuevaEcija
Негізгі бет #RNNReport
Пікірлер