أروع أغاني جمهور الرجاء "في بلادي ظلموني" من قلب ملعب محمد الخامس الدار البيضاء
بصوت جمهور الرجاء خلال لقاء الرجاء الرياضي ضد أسيك ميموزا العاجي
برسم الجولة الرابعة لدور المجموعات لكأس الكونفيدرالية الأفريقية
ملعب محمد الخامس الدار البيضاء
الأحد 29 يوليوز 2018
في بلادي ظلموني"في بلادي ظلموني"
اوووه اوووه اوووه اوووه
لمن نشكي حالي
اوووه اوووه اوووه اوووه
الشكوى للرب العالي
اوووه اوووه اوووه اوووه
غير هو اللي داري
في هاد البلاد عايشين في غمامة
طالبين السلامة نصرنا يا مولانا
صرفوا علينا حشيش كتامة
خلاونا كي اليتامى نتحاسبوا في القيامة
مواهب ضيعتوها ...
بالدوخة هرستوها ...
كيف بغيتو تشوفوها
فلوس البلاد كاع كليتوها ...
للبراني عطيتوها ...
جينيراسيون قمعتوها
اوووه اوووه اوووه اوووه
وقتلتوا لا باصيون
اوووه اوووه اوووه اوووه
بديتوا بروفوكاسيون
اوووه اوووه اوووه اوووه
وقتلتوا لا باصيون
اوووه اوووه اوووه اوووه
بديتوا بروفوكاسيون
زيرو ناف اللي اخترعتوا
وعلينا طبقتوا
بيه بغيتوا تحكموا
على الفلامة حكمتوا بالويكلو
ومنعتوا لي تيفو
ليز إلترا تحاربوا
بالشغب شحال تهمتوا
نسيتوا شحال صفقتوا
بشهور الحبس جازيتوا
الرجاوي ضيعتوا حياتو
خدمتو وقرايتو
حيت ما فهمتوا لا باسيون
اوووه اوووه اوووه اوووه
ديزولي لا فاميي
اوووه اوووه اوووه اوووه
عليا كثروا الهضاري
اوووه اوووه اوووه اوووه
الهضرة طلعت في راسي
اوووه اوووه اوووه اوووه
وا غير فهموني
كل نهار نفس الهضرة
في الدار ولا الزنقة
او شنو عطاتكم الخضرا
عمرك كلو ضاع عليها
وشجال نفقت عليها
وجامي خليتها
يا احبابي غير فهموني
علاش بغيتوا تفرقوني
على الرجا تواسيني
هادي اخر كلمة عندي
نكتبها من قلبي
والدمعة في عيني
اوووه اوووه اوووه اوووه
التوبة للرب العالي
اوووه اوووه اوووه اوووه
توب علينا يا ربي
Негізгі бет أروع أغاني جمهور الرجاء "في بلادي ظلموني" من قلب ملعب محمد الخامس الدار البيضاء (مع الكلمات)
Пікірлер