#المستديرة #الاهلي #الزمالك #ريال_مدريد #برشلونة #رونالدو #الظاهرة_رونالدو
رونالدو الظاهرة أسطورة البرازيل و ريال مدريد و إنتر ميلان والمعجزة التي لن تتكرر ( الحلقة الخامسة )
ـ اهلا بيكم يا شباب فى حلقة جديدة من سلسة الاساطير ، متنسوش تعملوا لايك واشتراك للقناة علشان يوصلكم كل جديد ويلا بينا نبدأ .
ـ حلقة النهاردة هنتكلم فيها عن واحد بيعتبره كتير من الناس هو افضل مهاجم فى تاريخ الكورة ، لكن الاصابات حرفياً كانت سبب اننا ملحقناش نستمتع بمشاهدة الكتير من مسيرة الاسطورة رونالدو .
ـ لويس نازاريو دا ليما والمعروف بأسم رونالدو ، اتولد فى ريو دى جانيرو بتاريخ 18 سبتمبر سنة 1976 ، بدأ مسيرته الاحترافيه موسم 93 / 94 مع نادى كروزيرو البرازيلي علشان يلعب معاهم لمدة موسم واحد بس شارك فيه فى 47 ماتش سجل فيهم 44 هدف ودا رقم خيالى بالنسبه للاعب شاب عمره 16 سنة بس .
ـ وفى نهاية الموسم بينضم للمنتخب علشان يشارك فى مونديال 94 لكنه مش بيشارك فى ولا مباراة بسبب تألق الثنائى روماريو و بيبيتو ، وفى الوقت دا بيتعاقد معاه نادى بي اس فى الهولندى علشان يلعب معاهم لمدة موسمين شارك فيهم مع الفريق فى 46 مباراة سجل فيهم 42 هدف و عدد الماتشات القليل دا كان بسبب اصابته فى اربطة الركبة واللى بعدته كتير عن الملاعب .
ـ ومع بداية موسم 96 / 97 بيتعاقد نادى برشلونة مع الظاهرة مقابل 15 مليون يورو ، وفى الموسم دا رونالدو تألق مع برشلونة وشارك فى 49 مباراة سجل فيهم 47 هدف وصنع 12 هدف ، علشان يفوز بجايزة احسن لاعب فى العالم من الفيفا وبيكون اصغر لاعب فى التاريخ يفوز بالجايزة وقتها .
ـ ومع نهاية الموسم بيحصل مشاكل بينه وبين ادارة برشلونة علشان يجى نادى الانتر ويستغل الفرصة ويدفع فى رونالدو 26 مليون يورو ودى بتكون قيمة الشرط الجزائى فى عقده ، وفى الموسم دا تألق مع الانتر وعمل افضل موسم ليه في تاريخه بعد ما قدر انه يفوز مع الانتر بالدورى الاوروبى ، ومع منتخب البرازيل بكاس القارات لاول مرة فى تاريخهم ويفوز بجايزة احسن لاعب من الفيفا و البالون دور ، حرفياً ختم كورة القدم فى الموسم دا .
ـ لكن فى الموسم اللى بعده بيتصاب رونالدو وبيغيب عن الفريق مباريات كتيرة و بسبب كدا بينهار فريق الانتر كله وبينهى الموسم فى المركز ال 8 فى الدورى ، لكن مع نهاية الموسم رونالدو بينقذ نفسه بالتتويج بالكوبا امريكا مع منتخبه بعد ما ساهم فى كل مباريات البطولة .
ـ وفى موسم 99 / 2000 بيتصاب رونالدو بتمزق فى اوتار الركبة وبيغيب عن الملاعب اكتر من 4 شهور و فى مبارة عودته بعد ما شارك فى 6 دقايق بس بيسقط رونالدو و بيصرخ بسبب الوجع و بتتجدد الاصابة تانى لكن المرة دى بيغيب رونالدو اكتر من 17 شهر و هنا بتكون بداية النهاية لرونالدو .
ـ وبيرجع رونالدو مع نهاية موسم 2002 وبيشارك فى اخر 4 مباريات مع الفريق فى الدورى و بيلعب المونديال مع منتخبه وبيقدر انه يتوج بيه على حساب المانيا فى النهائى بعد ما سجل هدفين وكان هداف البطولة .
ـ و بعدها رونالدو بينتقل لريال مدريد بيقضي معاهم 5 مواسم كاملين وعلى الرغم من تألقه إلا انه كان بيغيب كتير بسبب الاصابات ، وفى 2007 بينتقل رونالدو لنادى الميلان علشان يقضي معاهم موسم وبيتصاب فيه فى اوتار الركبة للمرة التالته وبعدها بينتقل رونالدو لنادى كورينثيانز البرازيلى فى 2009 .
ـ ومع نهاية موسم 2011 بيقرر الظاهرة اعتزال كورة القدم بعد تصريحه الشهير بأن جسمه استسلم للاصابات ، علشان تنتهى قصة لاعب من الافضل فى التاريخ واللى حرمتنا منه الاصابات .
......................................................................................
📢 للإعلان على قناة " المُستديرة " التواصل على الإيميل 📢
media.screen.adv.uae@gmail.com
......................................................................................
حساباتنا على السوشيال ميديا ❤️
/ elmustadira
......................................................................................
📝توضيح هام 📝
هذا الفيديو محمي بحقوق الطبع والنشر (copyrights) لصاحب الحقوق " المُستديرة " ولا يسمح بإعادة تنزيله على أي قناة ثانية على اليوتيوب وأي مخالفة لهذا الحق سوف نتخذ الإجراءات القانونية فوراً
Негізгі бет رونالدو الظاهرة أسطورة البرازيل و ريال مدريد و إنتر ميلان والمعجزة التي لن تتكرر ( الحلقة الخامسة )
No video
Пікірлер