للاشتراك في القناة | cutt.ly/UwCQNWp2
فهد ال عكروم - الزلامي يجري اسمه دام فعل الطيب جاري (حصرياً) | 2024
كلمات مشعل بن تركي
اداء فهد ال عكروم
الـكلمات
راح ثلث الليل يا ليلٍ تمثناه الغداري
و الطواري من ثلاث ايام مدري وش بعدها
شاعرٍ لا من تجنبت البشر شبيت ناري
لا سرا الليل العتيم و فكرته جت في وعدها
يا كثر طرد السراب و يا كثر هاك الطواري
كيف اجيب النادره و اسري مع الهاجس بيدها
و انت يا ليلٍ عليه العين يا بعد المساري
لا تمنّع فكرتك عندي ولا يكثر عنَدها
قبل شمس الصبح تستاحش و يستاحش نهاري
ابشرو باللي تشيل الديم و يحوّل بردها
أنت يا فيصل على دعوتك ما اسوق اعتذاري
والله اني ما اعتذر لو سَبتها قافيه أحدها
صاحبك ثابت بميقافه لعينك و انت داري
محتزي دهمٍ قبل سكّابها يِسمع رعدها
شرِّع الباب الكبير الي على الضيفان ضاري
و اصدح بصوتٍ تراحيبه محد يحصي عددها
انت ابوك الي تتعب سيرته كاتب وقاري
ما توفّيه القصيدة شيء مهما طال امدها
ثَبّت الاسم الكبير وشيّد الصرح المداري
واحتمى عِرض البلاد وذبّ عن سيرة فهدها
قصّته هذيك غير و موقفه ذاك انتحاري
تكفي التاريخ لو إنّا ذكرناها وحدْها
الرزين الواثق الشيخ الخبير الاستشاري
ما بقى للعرف والحكمة طويلة ما صعدها
الوحيد الي ما يفهق غترته طاروق ناري
كل ما زادت خصومه مستوى قام وهجدها
مرّة يسوّي جسور و مرّة يصلّح كباري
يدّرج خصمه تقول مدورٍ حاجة فقدها
سمعته مثل الجدي و سهيل ترشد كل ساري
لو عليها تسري البدوان ما تجهل رشَدّها
حي والله سمعةٍ ما جات فالعصر الحضاري
من قديم الوقت و الطالات مرفوعٍ عمدّها
الزلامي يجري اسمه دام فعل الطيب جاري
قِبلة ( النِعم ) وثبات جبالها الشمّ وبلدها
من سلايل روق يوم الموت له بايع و شاري
لابةٍ يوم الحرايب عِقّدت فكّو عّقدْها
يوم زرقات السهوم و يوم طعنات الشباري
من يمانيهم زحول القوم تارد في لحدها
كم عقيدٍ في ملاقى روق قد ذاق العزاري
هم حياض الموت لا خابت هقاويه و وردها
لا غدى للموت سوامه و جا للقوس باري
الحظيظ الي يطيع الشور و يجنّب نكدها
لا تعلّو صهوة الأمهار جا للعز طاري
يحتمون البوش و الخلفه يباريها ولدها
شيّدو لأمجادهم صرحٍ ما تسفاه الذواري
و سمعة في نجد مغترّه تعلم من نشدها
ما ذكرت ألا الصحيح اللي من الشِكّات عاري
و الفعول الغر مبطيها يباهي في جددها
و القصيد اللي يجمّلني ولا يجرح وقاري
من يرده لا طَرب داعيه و ضيوفه حشدها
#فهد_ال_عكروم
#طاروق_ناري
#شيلات
#الزلامي
#شيله
تصميم و نشر رائد الحربي
للتواصل
____________________________________
WhatsApp : iwtsp.com/9665...
snapchat : 2h.ae/JVkO
instagram : 2h.ae/bwuJ
Негізгі бет طاروق ناري - الزلامي يجري اسمه دام فعل الطيب جاري | كلمات مشعل بن تركي | اداء فهد ال عكروم
No video
Пікірлер: 4