متدربين السنة الأولى من تسير المقاولات gestion des entreprises مرحبا بكم في هذا المقال التفسيري للجميع مواد هذا الشعبة les modules وجميع الإمتحانات السنة الأولى Les examens
السنة الأولى غادي تقراو تسع مواد ,كاين لي نظري(theorie) وكاين لي تطبيقي (pratique)
1- Métier et Formation.
هاد المادة هي غالبا أول وحدة كاتبداو بها السنة الدراسية, كاين لي كاع ما تايقريها ولا كايدوز عليها مرور الكرام.. لكن نصيحتي لكم هي قراوها واخا يبانليكوم المحتوى ديالها ما غادي يفيد فوالو.. شحال من سؤال تحط فالكونكورات غير منها, ولا فمقابلات العمل…
2- Communication.
هاد المادة فيها 3 ديال الوحدات : العربية - الفرنسية - الإنجليزية
غالبا الأستاذ هو لي تايحدد الدروس و الترتيب ديالهوم …
ما فيهومش شي حاجة صعيبة, كتبوا داكشي لي غادي يتعطى ليكوم. ل قواعد حفظوه , ل تمارين طبقوه , ل أنشطة شاركوا فيهم…
3- Bureautique.
هادي أول مادة كاتخدموها فالحواسيب.. داكشي لي كايتقرا فيها بسيط بزاف يكفي تعاود طبقو فالدار و نفضل أنك تعمق كثر فهاد المادة من غير داكشي لي غادي تاخد فالتكوين
: و هادشي لي غادي تقراو فيها
MS Word
MS Excel
MS PowerPoint
MS Access
MS Outlook.
4- Logiciels.
هاد المادة هي ثاني مادة أتخدموها فالحواسيب, و لكن فآخر السنة غادي دوزوها على الورق كيفاش و علاش الله أعلم المهم واخا تاتبان صعيبة من سميتها فالتطبيق ساهلة
: فيها 3 ديال اللوجيسيالات
Logiciel Sage 100 - Comptable
Logiciel Commercial
Logiciel de Paie.
5- Marketing.
المادة المفضلة عندي ^^ , هي مادة نظرية يكفي أنكم تقراو الدرس, تفهموه, تلخصوه و تحفظوه.
نظرا أنني عندي الكانة و الأسلوب ديال الشرح غادي نشرحها بالدارجة كي نلقا الوقت باش كلشي يفهمها و غادي نشارك معاكوم حتى الملخصات.
6- Environnement de l’entreprise.
نفس الشيء بالنسبة لهاد المادة , نظرية خاسها تفهم, تلخص و تحفظ و غادي نفسرها حتى هي و نشارك الملخصات ديالها
الناس لي فايت ليهوم قراو فلافاك هاد المادة هي تقريبا المناجمنت.
7- Comptabilité Générale.
هاد المادة غالبا كلشي تايخاف منها و تايسمع عليها صعيبة و معقدة و زيد و زيد.
الشعبة ديالك ومستواك فالرياضيات ماعندهومش علاقة بها . يعني كنتي أداب , علوم, شريعة , مزيان فالرياضيات ولا ماكاتفهمهاش.
الكونطا مقسمة ل 3 أجزاء هوما هادو:
CG I : Les concepts de base.
CG II : Les opérations courantes.
CG III : Les travaux d’inventaire.
8- Statistiques.
الإحصاء مادة تطبيقية, خاس تفهمو العلاقات الإحصائية و تحفظوهوم من بعد تخدمو التمارين بزاف ,المهم غادي ندير تدوينات على هاد المادة نشرح ما هو نظري.
9- Traitement des salaires.
مادة نص نص , كاين ماهو نظري و كايتحفظ بحال التعاريف و العلاقات و كاين التطبيقي هو الحساب و التمارين, باختصار كاتعلم فهاد المادة كيفاش تحسب الصالير ديال الخدامة دالشركة , كيفاش تحسب الضريبة على الدخل.
من بعد ما عرفتو المواد لي أتقراو ندوي ليكوم على الامتحانات لي كاينين فالتكوين المهني
1- Les contrôles :
هادو الامتحانات الصغار, غالبا 2-3 فالمادة فوقما ساليتو واحد العدد ديال الدروس كادوزوهوم ولا ادا درتو الصداع ههه كيدير الأستاذ امتحان مفاجئ المهم هادو تاتعرف بيهوم راسك ا صافي.
2- Les EFMs : Examen Fin de Module
هاد الامتحان كادوزوه مرة وحدة فكل مادة فالتالي ديالها ولا فاش تايكون باقيليكوم غير شويا و تساليو الدروس كاملين المهم كايمثل نسبة 25 فالمئة من النتيجة النهائية ديال السنة الأولى.
3- L’EFP : Examen Fin de Passage
امتحان نهاية السنة الأولى و لي كايمثل 75 فالمئة من قرار النجاح أو الرسوب لكن في سنة 2019 تم تغير النسبة إلى 60%. خدمو فيه مزيان راه هو كلشي... ا بداو لخدمة من لول دلعام.
صافي هادشي لي كاين … هادشي لي غادي تقراو فالسنة الأولى من تسيير المقاولات.
Les tags :
شعبة تسيير المقاولات شرح مواد السنة الاولى أنواع الامتحانات و الاختبارات
#التكوين_المهني
#Gestion_des_entreprises
#تسيير_المقاولات
Негізгі бет شعبة تسيير المقاولات Gestion des entreprises شرح مواد السنة الاولى أنواع الامتحانات و الاختبارات
Пікірлер: 263