Мұғалжар аудандық ауруханасы Ақтөбе қаласынан 120 км қашықтықта орналасқан және бүкіл аудан тұрғындарына қызмет көрсетеді. Бұл 35,9 мың адам, оның ішінде 15,4 мыңы балалар.
Аудан бойынша амбулаториялық-емханалық көмекті бүгінде 13 медициналық пункт, 5 дәрігерлік амбулатория, 1 фельдшерлік-акушерлік пункт көрсетеді.
Әлеуметтік медициналық сақтандыру қорының басшысы дәрігерлік амбулаториялардың бірі- Ақкемер дәрігерлік амбулаториясына жоспардан тыс барды, ол 5 ауылдың 2,4 мың тұрғынына қызмет көрсетеді: Ақкемер, Елек, Жарық, Көтібар, Көктөбе. Оның 860-тан астамы-балалар.
Амбулаторияда алғашқы көмек қана емес, сонымен қатар консультациялық-диагностикалық және мамандандырылған көмек те көрсетіледі. Бас дәрігердің айтуынша, дәрігерлік амбулаторияда медициналық көмек көрсету үшін барлығы дерлік бар, бірақ тар бейінді мамандар, мәселен, офтальмолог пен уролог жеткіліксіз.
Мұғалжар аудандық ауруханасында ЖПД дәрігерлері жетіспейді.
Аудан әкімінің айтуынша, қазір бұл мәселе қаралуда және жақын арада өз шешімін табады. Ауданға тиісті бейіндегі мамандар, көтермелеу түріндегі ынталандыру арқылы белсенді тартылатын болады.
Аурухананы Медициналық сақтандыру қорының басшысы Сәбит Ахметовке көрсете отырып, бас дәрігер Сәбит Кеулімжаев ауылдық денсаулық сақтау саласын жаңғырту аясында Мұғалжар ауруханасы пилоттық нысандардың бірі ретінде ауданаралық ауруханаға айналып, аудан тұрғындарына барлық мамандандырылған медициналық көмекті орталықтандырылған түрде көрсететін болады деп баса айтты.
Ол үшін келесі жылы аурухана базасында перзентханаға, травматология және инсульт орталығына қосымша төсек-орындарды орналастыру жоспарлануда.
Сәбит Ахметов аурухананың айтарлықтай жақсы жабдықталғанын, атап айтқанда өзінің рентген аппаратының, КТ, МРТ, ангиографының бар екенін атап өтті.
ӘМСҚ басшысының пікірінше, аурухана басшылығы барлық бизнес-процестерді дұрыс құра білген, бұл аудан тұрғындарына сапалы және уақтылы медициналық көмек көрсетуге мүмкіндік береді.
Негізгі бет Ойын-сауық СӘБИТ АХМЕТОВ АҚТӨБЕ ОБЛЫСЫНА ЖҰМЫС САПАРЫ АЯСЫНДА МҰҒАЛЖАР АУДАНДЫҚ АУРУХАНАСЫНДА БОЛДЫ
Пікірлер