شبل سفيان وشبل الدواسر- عزوة ثقيف | 2023
كلمات. : ماجد السفياني
مونتاج وجرافيك : عبدالعزيز
امس الضحى عديت فالحيد المنيف
لجل السحاب الي عطتني يدّهاا
جتني كذا من غير ليه وغير كيف
ما باقي الا غير ناسم خدهاا
وانا هجوسي بارقن جاله رفيف
والعين ف اطراف السحاب الدها
صدري لهمال السحابه مستضيف
مضيافها من حدهاا ل حدهاا
كني معزب للمطر والوبل ضيف
والناس حولي ودهاا ما ودهاا
من عقبهاا هاضت هجوسي يا لطيف
تغطرست من قدهاا من قدهاا
وش عاد جو سويسرا ولا جنيف
انا هجوسي ما يبيح سدهاا
قصيدتي ماهي على الوزن الخفيف
هد الجبال اليا بغيت اتهدهاا
قصيدتي عنوانها ( عزوة ثقيف )
اهل الكرم واهل الوفا واهل الدها
اهل السجل الفارق الفخم النضيف
مخطوطة التاريخ كلن عدهاا
تاريخنا ماله شبيه ولا وصيف
وامجادنا لابدهاا لا بدهاااا
يامن بنا المضهود فالوقت المخيف
حنا السيوف الي ينومس حدهاا
اي بالله الا راس رمح وحد سيف
اشاوسن محدن يجي ويضدهاا
والله ما فينا ذليل ولا ضعيف
والقوم ندحرهاا ونلعن جدهاا
حنا مفرقت الوليف اعن الوليف
وكم هجمتن من قو باس انصدها
عزوة ثقيف العز والنهج الشريف
والاولات اتودناا ونودهاا
الله الله يا بني سفيان يا حزام الذخيره
والله الله ما نضيع سلمنا وسلوم اهلنا
صفحة الامجاد تملاها المواقيف الكبيره
كل يوم امجادنا بفعولنا منا ومنا
يشهد التاريخ والتاريخ من ديره لـ ديره
الشجاعه والكرامه والوفاء فينا ومنّا
ما مدحنا من فراغ وسيرة اهل العز سيره
النقا والطيب حنا والسعد والجود حنا
والقبايل كلها في ظل حكام الجزيره
في ذرا سلمان ابن عبدالعزيز وفي وطنا
المليك العادل الي كلنا في ظل خيره
الولا في ارقابنا لملوكنا من يوم كنا
دون حد المملكه حنا المصاقيل الشطيره
ما طمع فينا المعادي مير رد العلم عنا
من يعادينا يخيب ومن يجاورنا نجيره
الله الي عزنّا بملوكنا والله يمنّا
Негізгі бет شبل سفيان وشبل الدواسر- عزوة ثقيف | 2023
No video
Пікірлер: 43